شیعہ نیوز: امریکی ریاست جارجیا کے شہر ڈالٹن میں انتخابی جلسے کے دوران متعدد شہریوں نے صدر ڈونلڈ ٹرمپ کی تقریر میں خلل ڈالا، جس پر ٹرمپ نے دعوی کیا کہ مظاہرین کو احتجاج کے لیے رقم دی گئی ہے۔
رپورٹ کے مطابق امریکی صدر ڈونلڈ ٹرمپ کی ریاست جارجیا کے شہر ڈالٹن میں انتخابی جلسے کے دوران متعدد مظاہرین نے احتجاج کرتے ہوئے ان کی تقریر روک دی۔
اس واقعے پر ردعمل ظاہر کرتے ہوئے ٹرمپ نے دعوی کیا کہ مظاہرین نے احتجاج کرنے کے لیے رقم وصول کی ہے اور بعض سیاسی حلقے انہیں احتجاج پر اکساتے ہوئے پیسے دے رہے ہیں۔
یہ بھی پڑھیں : یمن کا میزائل حملہ، سعودی عرب کے دمام ایئرپورٹ پر پروازوں کا آپریشن معطل
انہوں نے امریکی ذرائع ابلاغ پر بھی تنقید کرتے ہوئے الزام عائد کیا کہ وہ ان محدود احتجاجی مظاہروں کو بڑھا چڑھا کر پیش کر رہے ہیں۔
ٹرمپ نے مزید دعوی کیا کہ مظاہرین میں سے ہر ایک کو 250 ڈالر دیے جاتے ہیں، تاہم انہیں گرفتاری کا سامنا بھی کرنا پڑسکتا ہے۔
واضح رہے کہ ریاست جارجیا امریکہ میں انتخابی مقابلے کے حوالے سے اہم ریاستوں میں شمار ہوتی ہے۔
The post جارجیا میں ٹرمپ کی انتخابی تقریر مظاہرین کے احتجاج کے باعث رک گئی appeared first on شیعہ نیوز پاکستان.
