شیعہ نیوز: لبنان کے صدر جوزف عون نے صیہونی حکومت کے وحشیانہ حملے کو سرعام جرم قرار دیا ہے۔
المیادین نیوز چینل کی رپورٹ کے مطابق، لبنان کے صدر نے کہا ہے کہ جب سے لبنان نے اسرائیل کے ساتھ مسائل کے پرامن حل تلاش کرنے کی خواہش ظاہر کی ہے تب سے اس حکومت نے لبنان کے اقتدار اعلی پر حملوں کا سلسلہ تیز کر دیا ہے۔
جوزف عون نے کہا کہ اسرائیل فخر کے ساتھ اعلان کرتا ہے کہ وہ سلامتی کونسل کی قرارداد 1701 کا پابند نہیں ہے اور جنگ بندی کے معاہدے کی خلاف ورزی پر اصرار بھی کر رہا ہے۔
یہ بھی پڑھیں : میڈیا، میدان اور سفارت کاری ملی طاقت کے تین ستون ہیں، ایرانی وزیر خارجہ
لبنان کے صدر نے کہا کہ جنگ بندی کی منظوری کے بعد، اسرائیل نے مذاکرات پر مبنی راہ حل کی مخالفت میں ہر ممکنہ اقدام کیا ہے۔
انہوں نے آخر میں صیہونی حکومت کو مخاطب کرکے کہا کہ “تمھارا پیغام مل گیا”۔
قابل ذکر ہے کہ صیہونی جیٹ فائٹروں نے جمعرات کو لبنان کے مختلف علاقوں بالخصوص جنوبی خطے پر متعدد بار وحشیانہ حملے کیے ہیں۔
یہ ایسی حالت میں ہے کہ جنگ بندی کے اعلان کے بعد صیہونی حکومت نے 5000 بار سے زیادہ لبنان پر جارحیت کا ارتکاب کیا ہے اور ساتھ ساتھ حزب اللہ سے ہتھیار چھیننے کی بھی ہر ممکنہ کوشش کی ہے۔
The post جنوبی علاقوں میں اسرائیل کے وحشیانہ حملے جنگی جرم ہے، لبنان کے صدر جوزف عون appeared first on شیعہ نیوز پاکستان.
