شیعہ نیوز: مجلس وحدت مسلمین کراچی ڈویژن کے وفد نے صدر حافظ کاظم عباس کی سربراہی میں قائد وحدت، چیئرمین مجلس وحدت مسلمین پاکستان و اپوزیشن لیڈر سینیٹ علامہ راجہ ناصر عباس جعفری سے سینیٹ چیمبر میں ملاقات کی۔
ملاقات میں کراچی ڈویژن کی تنظیمی صورتحال، ضلعی تنظیموں کی کارکردگی اور کارکنان کے مسائل پر تفصیلی گفتگو ہوئی۔
وفد نے کراچی کے عوام کو درپیش بنیادی مسائل، پانی کی قلت، بجلی کی لوڈشیڈنگ، امن و امان کی صورتحال، مہنگائی اور بلدیاتی مسائل سے قائد وحدت کو آگاہ کیا۔
علامہ راجہ ناصر عباس جعفری نے وفد کی کاوشوں کو سراہا اور کہا کہ کراچی پاکستان کی معیشت کی ریڑھ کی ہڈی ہے، کراچی کے عوام کے مسائل کو ہر فورم پر اٹھایا جائے گا۔
یہ بھی پڑھیں : کراچی ، شیعہ نوجوان سید شبیہ عباس جعفری گذشتہ ایک ہفتے سے لاپتہ، اہل خانہ مضطرب اور پریشان
انہوں نے کہا کہ مجلس وحدت مسلمین مظلوم عوام کی آواز ہے اور ہمیشہ ظلم و ناانصافی کے خلاف کھڑی رہے گی۔
انہوں نے کراچی ڈویژن کی تنظیم کو مزید فعال، منظم اور مضبوط بنانے کی ہدایت کی۔
ملاقات میں آئندہ کے لائحہ عمل، تنظیمی دوروں، عوامی رابطہ مہم اور کراچی میں ہونے والے آئندہ پروگراموں پر بھی مشاورت کی گئی۔
کراچی ڈویژن کے وفد میں ہادی شہیدی سیکرٹری اسپورٹس، کلیم رضا زیدی سیکرٹری روابط، علی حیدر کاظمی صدر وحدت یوتھ کراچی ڈویژن شامل تھے۔
The post ایم ڈبلیوایم کراچی ڈویژن کے وفد کی حافظ کاظم عباس کی سربراہی میں قائد حزب اختلاف سینیٹ علامہ راجہ ناصرعباس سے پارلیمنٹ ہاؤس میں ملاقات appeared first on شیعہ نیوز پاکستان.
