شیعہ نیوز: وزیراعظم شہباز شریف نے ایران امریکا تنازع کے حل کے لیے اسلام آباد مفاہمتی یادداشت کے تحت آگے بڑھنے پر زور دیا ہے۔
ترکیے کے شہر انطالیہ میں ایرانی صدر مسعود پزشکیان سے ملاقات میں وزیراعظم نے خطے میں جاری تنازع پر تشویش کا اظہار کیا۔
وزیراعظم نے علاقائی امن اور استحکام کے لیے پاکستان کا مخلصانہ تعمیری کردار جاری رکھنےکا عزم دہرایا۔
یہ بھی پڑھیں : رہبرِ انقلاب اسلامی کا معروف فنکار کوروش زارعی کے انتقال پر تعزیتی پیغام
ان کا کہنا تھا کہ تحمل، کشیدگی میں کمی اور پائیدار سفارت کاری ہی مستقل امن کا واحد راستہ ہیں۔
اس موقع پر ایرانی صدر نے مسلسل سفارتی حمایت اور خطے میں امن کے لیے پاکستان کی کوششوں کو سراہا۔ انہوں نے مختلف شعبوں میں تعاون کو مزید وسعت دینےکے لیے تہران کی بھرپور خواہش کو دہرایا۔
ملاقات میں دونوں رہنماؤں نے دوطرفہ تعلقات مزید مضبوط بنانے کی ضرورت پر زور دیا ۔ علاقائی امن، سلامتی اور خوش حالی کے فروغ کے لیے مل کر کام کرنےکا عزم بھی ظاہر کیا ۔
The post وزیراعظم کی ایرانی صدر سے ملاقات، اسلام آباد مفاہمتی یادداشت کے تحت آگے بڑھنے پر زور appeared first on شیعہ نیوز پاکستان.
