شیعہ نیوز: سندھ پولیس کا تعصب ایک بار پھر کھل کر سامنے آگیا، دختر رسول(ص)، شہزادی کونین، خاتون جنت حضرت فاطمہ زہراسلام اللہ علیہا کی شہادت کی مناسبت سے نکالے جانے والے جلوس عزا کے خلاف 13 دفعات کے تحت مقدمہ درج، 500 مرد وخواتین عزادارنامزد۔
تفصیلات کے مطابق سندھ کی متعصب پولیس انتظامیہ نے ایک بارپھر ذکر اہل بیتؑ سے اپنے بغض وعناد کا بدترین مظاہرہ دکھا دیا ہے۔کراچی کے علاقے سرجانی ٹاؤن میں گذشتہ روز نکالے جانے والے شہادت خاتون جنت حضرت فاطمہ زہرا سلام اللہ علیہا کے سلسلے میں نکالے جانے والے جلوس کے خلاف ایف آئی آر درج کردی گئی۔
مذکورہ جلوس مسجد وامام بارگاہ امیر المومنینؑ سیکٹر 5D سرجانی ٹاؤن سے برآمد ہوا تھا، پولیس کا موقف ہے کہ ڈپٹی کمشنر ضلع غربی کے حکم کے مطابق بغیر این او سی کسی بھی قسم کے جلوس نکالنے پر پابندی عائد ہے، ہم مذکورہ امام بارگاہ پر نفری کے ہمراہ ڈیوٹی پر معمورتھے کہ 400سے 500 افراد بشمول خواتین نےامام بارگاہ سے بغیر اجازت جلوس نکالا اور لاؤڈاسپیکر ایکٹ کی بھی خلاف ورزی کی۔
پولیس نے درج ایف آئی آر میں مولانا سید مظہر حسین زیدی، افسر زیدی، سید صائم حسین جعفری، صمد زیدی،مولانا صفدر علی ملاح، شاہد جعفری، وسیم جعفری، مصطفیٰ، مظہر عباس، عامرزیدی، ایوب حسین جعفری کی قیادت میںں برآمد ہونے والے اس جلوس عزا میں شریک 400 سے 500 مردوخواتین عزاداروں کے خلاف13 مختلف دفعات کے تحت مقدمہ درج کرلیا ہے۔
تھانہ سرجانی ٹاؤن پولیس نے تعزیرات پاکستان کی دفعہ 188, 147,148,149,341,283,353,290,291,186,7ATA,laud speaker act3, laud speaker act4 اس مقدمے میں شامل کی ہیں۔
واضح رہے کہ پولیس نے عزاداروں پر الزام لگایا ہے کہ انہوںنے اسلحہ کی نمائش بھی کی جس سے علاقے میں خوف وحراس پھیلا،جبکہ سرکاری رکاوٹوں کو بھی توڑا گیا اور لاؤڈ اسپیکرز پر نوحے اور مرثیے تیز آواز میں پڑھے گئے جس سے مذہبی تصادم کا بھی خطرہ تھا۔
واضح رہے کہ ہمارے ملک میں کالعدم تکفیری جماعتوں کو تو مکمل آزادی سے فرقہ وارانہ منافرت پھیلانے کیلئے کسی بھی صوبے اور ضلع میں چھوٹ حاصل ہے، جس کا جہاں دل چاہئے شاہراہ عام پر تمبو گاڑ کر ناچ گانے کی محفلیں کرسکتا ہے، لیکن جب بات ذکر آل رسول ﷺ کی آتی ہے تو ہمارے قانون نافذ کرنے والے اداروں کو فورانقص امن کا خطرہ نظر آجاتا ہے۔
ہم مطالبہ کرتے ہیں سندھ حکومت، وزیر اعلیٰ سندھ ، آئی جی پولیس جاوید عالم اوڈھو سے کہ وہ فوری طور پر اس ایف آیف آئی آر کو واپس لیں بصورت دیگر شیعیان حیدر کرارؑ اپنا آئینی، جمہوری اور قانونی حق محفوظ رکھتے ہیں۔
The post سندھ پولیس کا ایک اور متصبانہ اقدام، جلوس شہادت دختر رسولﷺ حضرت فاطمہؑ نکالے پر500 عزاداروں پر 13 دفعات کے تحت مقدمہ درج appeared first on شیعہ نیوز پاکستان.
