شیعہ نیوز: سابق وزیر اعظم اور بانی چیئرمین پاکستان تحریک انصاف نے ایک بار پھر اپنے دیرینہ دوست اور ساتھی سربراہ مجلس وحدت مسلمین وقائد حزب اختلاف سینیٹ آف پاکستان علامہ راجہ ناصرعباس پر مکمل اعتماد اور حمایت کا اظہار کیا ہے ۔
اڈیالہ جیل میں قید عمران خان نے گذشتہ روز ملاقات کیلئے آنے والے اپنے وکلاء بیرسٹر سلمان صفدر اور سردار لطیف کھوسہ سے تین گھنٹے سے زائد جاری رہنے والی ملاقات میں گفتگو کرتے ہوئے پارٹی کے مرکزی جنرل سیکریٹری بیرسٹر سلمان اکرم راجہ کے نام خصوصی پیغام بھیجا ہے ۔
سلمان اکرم راجہ نے صحافی حامد میر کے پروگرام میں گفتگو کرتے ہوئے کہاکہ خان صاحب نے بیرسٹر سلمان صفدر کے ذریعے مجھے خاص ہدایات دی ہیں کہ نظریے پر ڈٹے رہو، خان صاحب نے دونوں اپوزیشن لیڈر صاحبان علامہ راجہ ناصرعباس اور محمود خان اچکزئی کی ایک بارپھر تائیداورحمایت کرتے ہوئے کہا ہے کہ علامہ راجہ ناصر عباس اور اچکزئی صاحب جھکنے اور بکنے والے لوگ نہیں ہیں، یہ نظریئے پر ڈٹے رہنے والے لوگ ہیں، اِن کی نامزدگی میرا فراست پر مبنی فیصلہ تھا جس پر میں قائم ہوں۔
یہ بھی پڑھیں : گلگت بلتستان کے وسائل وہاں کے باشندوں کی ملکیت ہے اور کسی دوسرے کو یہ حق حاصل نہیں کہ ان کے حقوق پر ڈاکہ ڈالے،سینیٹرعلامہ راجہ ناصرعباس
خان صاحب نے علامہ راجہ ناصرعباس اور محمود خان اچکزئی کو گریٹر اپوزیشن الائنس تشکیل دینے کا پیغام پہنچایاہے ،اور ساتھ ہی یہ بھی کہا ہے کہ مولانافضل الرحمٰن سے پی ٹی آئی کے لوگ نہیں بلکہ دونوں اپوزیشن قائدین بات کریں۔
عمران خان نے جے یو آئی کے خلاف حکومتی کارروائیوں کی مذمت کی، اور مولانا فضل الرحمان کے موقف کی حمایت کی، اور مولانا سے اظہارِ یکجہتی کیا”۔ ذرائع کے مطابق عمران خان نے کہا کہ پارلیمانی کمیٹیوں کا بائیکاٹ جاری رہے گا۔ آئینی ترامیم یا دیگر معاملات اس پارلیمنٹ کا اختیار نہیں ہے۔ آئین اور قانون کی بالادستی پر کوئی سرینڈر نہیں ہو گا۔
ذرائع کے مطابق بلاشبہ بلڈپریشر اور آنکھ کے مسائل موجود مگر عمران خان ہشاش بشاش نظر آئے۔بقول عمران خان ’’میں سپورٹس مین، ہوں مجھے معلوم ہے کہ پریشر کیسے ہینڈل کرنا ہے‘مجھے فکر صرف بشریٰ بی بی کی ہے اس کیلئے کچھ کرو۔
The post عمران خان کا جیل سے ایک بارپھر قائد حزب اختلاف علامہ راجہ ناصرعباس پر مکمل اعتماد اور حمایت کا اظہار، ان کے کردار کی بھی تعریف appeared first on شیعہ نیوز پاکستان.
