شیعہ نیوز: میکسیکو میں ایرانی سفارت خانے نے ایک بیان میں میکسیکو سٹی میں صیہونی حکومت کے سفیر پر مبینہ حملے کی کوشش کے حوالے سے تہران کے خلاف امریکہ اور صیہونی حکومت کے تازہ الزامات کو کذب محض قرار دیتے ہوئے مسترد کردیا ہے۔
بیان میں کہا گيا ہے کہ یہ دعویٰ کہ ایران نے میکسیکو میں اسرائیلی سفیر کو قتل کرنے کی کوشش کی ایک بڑا میڈیا جھوٹ ہے جس کا مقصد دونوں ممالک (ایران اور میکسیکو) کے درمیان دوستانہ اور تاریخی تعلقات کو خراب کرنا ہے اور ہم اس الزام کو دوٹوک الفاظ میں مسترد کرتے ہیں۔
یہ بھی پڑھیں : ہتھیار نہیں ڈالیں گے، میدان میں ڈٹے رہیں گے، اسلامی جہاد فلسطین کا اعلان
بیان میں اس بات پر زور دیا گیا ہے کہ ایران اور میکسیکو کے مفادات یکساں ہیں اور تہران میکسیکو کی سلامتی اور ساکھ کو اپنی سلامتی اور ساکھ سمجھتا ہے۔
ایرانی سفارت خانے کے بیان میں آیا ہے کہ میکسیکو کی حکومت نے ہم پر جو اعتماد کیا ہے ہم اسے ہرگز ٹھیس پہنچنے نہیں دیں گے۔
میکسیکو میں ایرانی سفارت خانہ نے ایران کے خلاف یہود دشمنی کے الزام کو بھی ایک بڑا جھوٹ اور اسے نسل پرست صیہونی حکومت کے عہدیداروں کا من گھڑت بیانیہ قرار دیا ہے۔
بیان کے مطابق، ایران میں 100 سے زائد یہودی عبادت گاہیں قائم ہیں جو عوام کے لیے کھلی ہیں اور انہیں کسی قسم کا خطرہ لاحق نہیں۔
The post ایران نے امریکہ اور صیہونی حکومت کے تازہ الزامات کو کذب محض قرار دے دیا appeared first on شیعہ نیوز پاکستان.
