شیعہ نیوز: شیعہ علماء کونسل کے مرکزی ایڈیشنل سیکریٹری علامہ سید ناظرعباس تقوی نے سرجانی ٹاؤن تھانے میں جلوس شہادت دختر رسول خداﷺ حضرت فاطمہ زہرا سلام اللہ علیہا کے انعقاد پر دہشت گردی کی دفعات کے تحت مقدمے کے اندراج پرشدید غم وغصے کا اظہار کیا ہے۔
اپنے ایک ویڈیو پیغام میں انہوںنے کہا کہ میں انتہائی افسوس کے ساتھ حکومت سندھ کے ساتھ احتجاج کرتا ہوں،یہ پاکستان جو اسلام کے نام پر وجود میں آیا تھا، اس پاکستان میں رسول پاکؑ کی بیٹی کی مجلس اورجلوس پردہشت گردی کا مقدمہ قابل مذمت اقدام ہے، پاک نبی کی بیٹی سیدہ فاطمہ زہرا ؑکی مجلس پر FIR کو جوتے کی نوک پر رکھتے ہیں،رسولﷺ کا کلمہ پڑھنے والوں کو ان کی بیٹی کی مجلس اور جلوس پر مقدمہ کرتے ہوئے شرم آنی چاہیے۔
دو دن کی مہلت دیتے ہیں اگر ایف آئی آر ختم نہیں ہوئی تو پھر وزیر اعلیٰ ہاؤس پر مجلس برپا کریں گے، 48 گھنٹے بعد اہم اعلان کریں گے، مائیں، بہنیں، بچے،بزرگ، علما ءوخطبا ءتیاری کریں۔
یہ بھی پڑھیں :پرامن ماتمی جلوسوں کو دہشت گردی سے جوڑنا ملت جعفریہ کے جذبات کو مجروح کرنے کے مترادف ہے،ایم ڈبلیوایم کراچی
واضح رہے کہ پولیس نے درج ایف آئی آر میں مولانا سید مظہر حسین زیدی، افسر زیدی، سید صائم حسین جعفری، صمد زیدی،مولانا صفدر علی ملاح، شاہد جعفری، وسیم جعفری، مصطفیٰ، مظہر عباس، عامرزیدی، ایوب حسین جعفری کی قیادت میںں برآمد ہونے والے اس جلوس عزا میں شریک 400 سے 500 مردوخواتین عزاداروں کے خلاف13 مختلف دفعات کے تحت مقدمہ درج کرلیا ہے۔
تھانہ سرجانی ٹاؤن پولیس نے تعزیرات پاکستان کی دفعہ 188, 147,148,149,341,283,353,290,291,186,7ATA,laud speaker act3, laud speaker act4 اس مقدمے میں شامل کی ہیں۔
واضح رہے کہ ہمارے ملک میں کالعدم تکفیری جماعتوں کو تو مکمل آزادی سے فرقہ وارانہ منافرت پھیلانے کیلئے کسی بھی صوبے اور ضلع میں چھوٹ حاصل ہے، جس کا جہاں دل چاہئے شاہراہ عام پر تمبو گاڑ کر ناچ گانے کی محفلیں کرسکتا ہے، لیکن جب بات ذکر آل رسول ﷺ کی آتی ہے تو ہمارے قانون نافذ کرنے والے اداروں کو فورانقص امن کا خطرہ نظر آجاتا ہے۔
The post سرجانی ٹاؤن جلوس شہادت حضرت فاطمہ زہراؑ پر دہشت گردی کی ایف آئی آر، علامہ ناظرتقوی کاحکومت کو 48 گھنٹے کا الٹی میٹم appeared first on شیعہ نیوز پاکستان.
