spot_img

ذات صلة

جمع

اردن؛ چرچ حملے میں ملوث تین ملزمان کو سزائے موت

شیعہ نیوز: اردن کی ریاستی سلامتی کی عدالت نے...

یورپ سے بڑے پیمانے پر امریکی فوجیوں کے انخلا تعطل کا شکار؛ واشنگٹن پیچھے ہٹنے پر مجبور

شیعہ نیوز: ٹرمپ انتظامیہ اپنے ابتدائی منصوبوں کے برعکس...

غاصب اسرائیل کا ایران کے بارے میں ہنگامی اجلاس

شیعہ نیوز: غاصب صیہونی حکومت کے ذرائعِ ابلاغ نے...

آبنائے ہرمز کے جنوب میں دو آئل ٹینکروں میں دھماکے اور شدید آتشزدگی

شیعہ نیوز: سپاہ پاسداران انقلاب اسلامی کی بحریہ نے...

ایران مذاکرات کی میز پر امریکہ پر اعتماد نہیں کرتا، غریب آبادی

شیعہ نیوز: ایران کے نائب وزیر خارجہ کاظم غریب...

اردن؛ چرچ حملے میں ملوث تین ملزمان کو سزائے موت

شیعہ نیوز: اردن کی ریاستی سلامتی کی عدالت نے ملک کے صوبۂ کرک میں ایک چرچ کے اندر نمازِ جنازہ کی تقریب پر مسلح حملے اور 9 افراد کے قتل کے الزام میں تین افراد کو سزائے موت سنائی ہے۔

رپورٹ کے مطابقاردن کی ریاستی سلامتی کی عدالت نے اتوار کے روز تین افراد کو گزشتہ ماہ ملک کے مغربی حصے میں واقع صوبۂ کرک کے ایک چرچ پر مسلح حملے میں ملوث ہونے کے الزام میں سزائے موت سنائی۔

سرکاری پترا کے مطابق ان تینوں افراد کو دہشت گردانہ کارروائیوں کے ارتکاب، جن کے نتیجے میں 9 افراد ہلاک ہوئے. اسلحے کے استعمال سے دہشت گردانہ کارروائیوں کی منصوبہ بندی کرنے اور ایک دہشت گرد گروہ کے نظریات کی تشہیر کرنے کے الزامات میں مجرم قرار دیا گیا ہے۔

ان میں سے ایک ملزم کو دہشت گردانہ کارروائیوں کی مالی معاونت کے الزام میں بھی مجرم قرار دیا گیا ہے۔

یہ بھی پڑھیں : یورپی یونین امن معاہدے کے لیے تیار نہ ہوئی تو روس طاقت کے ذریعے اپنے مقاصد حاصل کرے گا، کرملین

یہ حملہ 23 اکتوبر کو چرچ کے اندر نمازِ جنازہ کی تقریب کے دوران پیش آیا تھا، جس کے نتیجے میں 9 افراد ہلاک اور 34 زخمی ہو گئے تھے۔

اردن کے محکمۂ امنِ عامہ نے اعلان کیا کہ حملے میں ملوث تینوں ملزمان کو 26 اکتوبر کو مشترکہ سرچ آپریشن کے بعد گرفتار کیا گیا۔

سکیورٹی فورسز نے صوبۂ کرک میں ایک متروک مکان میں ان کا سراغ لگایا، تاہم ملزمان نے ہتھیار ڈالنے سے انکار کیا اور فورسز پر فائرنگ شروع کر دی۔

یہ کارروائی تینوں ملزمان کی گرفتاری پر ختم ہوئی، جو اس دوران زخمی ہو گئے تھے۔

سکیورٹی فورسز نے ان کے قبضے سے آتشیں اسلحہ اور گولہ بارود بھی ضبط کر لیا۔ اس کارروائی کے دوران کوئی بھی سکیورٹی اہلکار زخمی نہیں ہوا۔

The post اردن؛ چرچ حملے میں ملوث تین ملزمان کو سزائے موت appeared first on شیعہ نیوز پاکستان.

​ 

spot_imgspot_img