شیعہ نیوز: حزب اللہ لبنان کے سینیئر رکن محمود قماطی نے زور دیکر کہا ہے کہ کسی بھی لبنانی کو “گریٹر اسرائیل” کی صیہونی سازش کی حمایت کا حق حاصل نہیں ہے۔
رپورٹ کے مطابق انہوں نے کہا کہ صیہونی حکومت کے “گریٹر اسرائیل” کا منصوبہ پورے خطے کے لیے ایک سنجیدہ خطرہ ہے جس کی راہ امریکہ ہموار کرنے میں مصروف ہے۔
محمود قماطی نے خبردار کیا کہ خطے میں بڑی تبدیلیاں مسلط کرنے کی کوششیں کی جا رہی ہیں اور لبنانیوں کو چاہیے کہ اپنی طاقت کے مطابق اس کا مقابلہ کریں۔
یہ بھی پڑھیں : فلسطینی ریاست کے قیام سے قبل ہتھیار ڈالنے کا سوال ہی پیدا نہیں ہوتا: حماس کا اعلان
انہوں نے کہا کہ اس سازش کی زد میں نہ صرف لبنان بلکہ تمام عرب ملک آئیں گے۔
قماطی نے زور دیکر کہا کہ حزب اللہ کا ہتھیار نہ ڈالنے کا فیصلہ لبنان کے وجود کو صیہونی سازشوں کے مقابلے میں بچانے کے لیے بہت ہی معمولی قدم ہے۔
انہوں نے زور دیکر کہا کہ امریکہ لبنان کو دفاعی صلاحیت اور معاشی ضرورتوں سے بھی خالی کرنا چاہتا ہے تا کہ اس ملک کو بآسانی ٹکڑے ٹکڑے کیا جاسکے۔
حزب اللہ کے سیاسی دفتر کے رکن نے کہا کہ شام کے تجربے نے ثابت کردیا کہ امریکی حکم کی تعمیل کے باوجود، کوئی بھی ملک صیہونی حملوں سے محفوظ نہیں رہ سکتا۔
انہوں نے زور دیکر کہا کہ بعض لوگ اس حقیقت کو سمجھنا ہی نہیں چاہتے کہ اسرائیل عراق کی سرحدوں تک پہنچ چکا ہے۔
The post امریکہ لبنان کے حصے بخرے کرنے میں مصروف ہے، محمود قماطی appeared first on شیعہ نیوز پاکستان.
