شیعہ نیوز: بدھ کی صبح اسرائیلی جنگی طیاروں نے شمالی غزہ کے علاقے بیت لاھیہ پر خوفناک اور وحشیانہ بمباری کی جنہوں نے آسمان کو دھوئیں کے کالے بادلوں سے ڈھانپ دیا۔ یہ حملے اسرائیل کی جانب سے وقف فائر معاہدے کی مسلسل خلاف ورزیوں کا تسلسل ہیں۔
رپورٹ کے مطابق دشمن طیاروں نے بیت لاھیہ شہر کے شمال مشرقی حصے میں واقع تعلیم کے علاقے کے پیچھے کئی شدید بمباری کی کارروائیاں کیں، جن کے بعد آگ اور دھوئیں کے گہرے بادل فضا میں پھیل گئے۔
یہ بھی پڑھیں : نایاب معدنیات پر چین کا کنٹرول، امریکی دفاعی صنعت کو دهچکا، امریکی میڈیا
علاقائی ذرائع کے مطابق اسرائیلی افواج نے شمالی غزہ کے علاقے جبالیا کے مشرق میں بھی گولہ باری، دھماکے اور فائرنگ کی کارروائیاں کیں۔
اسرائیل روزانہ کی بنیاد پر ممنوعہ علاقوں میں گھروں کو بارود سے اڑا رہا ہے اور فلسطینیوں کی املاک تباہ کر رہا ہے، جو وقف فائر معاہدے کی کھلی اور واضح خلاف ورزی ہے۔ اس وحشیانہ اقدام سے ان علاقوں میں بڑے پیمانے پر مکانات اور شہری املاک کو نقصان پہنچا ہے۔
یہ تمام اقدامات ثابت کرتے ہیں کہ اسرائیل وقف فائر کو محض دکھاوا بنائے ہوئے ہے جبکہ عملاً وہ غزہ کے عوام کے خلاف اجتماعی سزا، تباہی اور نسل کشی کی پالیسی پر عمل پیرا ہے۔
The post اسرائیلی جنگی طیاروں کی شمالی غزہ پر شدید بمباری، جنگ بندی معاہدہ پھر پامال appeared first on شیعہ نیوز پاکستان.
