شیعہ نیوز: رفائل گروسی نے کہا کہ ایران میں اعلی سطح پر افزودہ یورینیم کی نگرانی ممکن نہیں، جبکہ تہران کا کہنا ہے کہ عالمی ایجنسی سے تعاون قومی سلامتی کونسل کے فیصلے سے مشروط ہے۔
رپورٹ کے مطابق لبنانی ذرائع ابلاغ نے بین الاقوامی ایٹمی توانائی ایجنسی کے ڈائریکٹر جنرل رفائل گروسی کی اس رپورٹ کی کاپی ملنے کا دعوی کیا ہے جو ایران کی جوہری ذمہ داریوں پر مبنی ہے۔
رپورٹ کے مطابق گروسی نے ایران کےاین پی ٹی اور قاہرہ معاہدے کے حوالے سے کہا ہے کہ آئی اے ای اے کی جانب سے ایران میں اعلی سطح پر افزودہ یورینیم کی مقدار کی تصدیق میں ناکامی شدید تشویش کا باعث ہے۔
یہ بھی پڑھیں : حزب اللہ کا خاتمہ محض خام خیالی ہے، حزب اللہ رہنما
المیادین نے کہا کہ گروسی کی رپورٹ میں کہا گیا ہے کہ ایران نے واضح طور پر اطلاع دی ہے کہ ایٹمی ایجنسی کے ساتھ کسی بھی قسم کا تعاون صرف اسلامی جمہوریہ ایران کی سپریم نیشنل سیکیورٹی کونسل کے فیصلے سے مشروط ہوگا۔
گروسی نے اپنی رپورٹ میں اعتراف کیا کہ آئی اے ای اے ایران کے اعلان کردہ ایٹمی مواد کے ذخائر کے بارے میں مسلسل معلومات برقرار رکھنے کی صلاحیت کھوچکا ہے جو ماضی میں نگرانی اور کیمروں کے ذریعے ممکن تھی۔
The post ایران کے یورینیم ذخائر تک عدم رسائی، گروسی کی شدید تشویش appeared first on شیعہ نیوز پاکستان.
