بلغراد میں ٹرمپ کے داماد کے منصوبے کے خلاف سینکڑوں افراد کا احتجاج

شیعہ نیوز: سربیا کے دارالحکومت بلغراد میں سینکڑوں افراد نے امریکی صدر ڈونلڈ ٹرمپ کے داماد جیرڈ کشنر کے اس منصوبے کے خلاف مظاہرہ کیا ہے جس کے تحت سابق آرمی ہیڈ کوارٹر کو گرا کر ایک لگژری ہوٹل تعمیر کرنا ہے۔

بلغراد میں طلباء کا یہ احتجاج چار دن بعد ہوا جب پارلیمنٹ نے بمباری میں تباہ ہونے والے سابق یوگوسلاویہ آرمی ہیڈ کوارٹر کی تعمیر نو کو فوری منصوبے کے طور پر درجہ بندی کرتے ہوئے اس کے لیے قانونی جواز کی فراہمی کا راستہ ہموار کردیا۔

یہ بھی پڑھیں : امریکہ کی ایران کے میزائل منصوبے کے بہانے 32 افراد اور کمپنیوں پر پابندیاں

ایوانکا ٹرمپ کے شوہر اور ڈونلڈ ٹرمپ کے سابق سینئر مشیر جیرڈ کشنر کا منصوبہ انتہائی حساس ہے کیونکہ اس عمارت کو 1998-99 میں جنگ کوسوو کے دوران امریکی قیادت میں نیٹو کے فضائی حملوں کے دوران نشانہ بنایا گیا تھا۔

طلبہ رہنماؤں کا کہنا ہے کہ حکومت نے اگرچہ اس عمارت کو گرانے کی اجازت دے دی ہے لیکن ہم ایسا ہرگز نہیں ہونے دیں گے۔انہوں نے کہا کہ یہ عمارت ہماری تاریخ اور ہماری ثقافت کا حصہ ہے اور ہم اسے گرانے کی ہرگز اجازت نہیں دیں گے۔

رپورٹ کے مطابق متحدہ عرب امارت کی ایک کمپنی ایگل ہل اس پروجیکٹ کی ایک اہم شراکت دار ہے۔ یہ کمپنی اس سے پہلے بلغراد کے ریور فرنٹ کی تزئین و آرائش کا کام کرچکی ہے جس کے خلاف سربیہ میں عوامی مظاہرے بھی کیے گئے تھے۔

The post بلغراد میں ٹرمپ کے داماد کے منصوبے کے خلاف سینکڑوں افراد کا احتجاج appeared first on شیعہ نیوز پاکستان.

​