شیعہ نیوز: کریملن کے ترجمان دیمیتری پیسکوف نے کہا ہے کہ یوکرین کی جنگ کے خاتمے کے لیے اب تک مغربی ذرائع ابلاغ کی رپورٹوں کے علاوہ اور کچھ نہیں ملا ہے۔
انہوں نے کہا کہ مغربی ذرائع ابلاغ نے 28 شقوں پر مشتمل واشنگٹن کی تجاویز پیش کی ہیں لیکن امریکہ نے اب تک روس کو کوئی باضابطہ مسودہ پیش نہیں کیا ہے۔
پیسکوف نے کہا کہ جو کچھ سننے میں آرہا ہے وہ مغربی ذرائع ابلاغ کی رپورٹیں ہیں اور ماسکو کو اس مجوزہ منصوبے کے سلسلے میں اعتماد میں لیا نہیں گیا ہے نہ ہی کوئی باضابطہ مسودہ روس کو پیش کیا گیا ہے۔
یہ بھی پڑھیں : ترکی: شرح پیدائش میں شدید کمی پر صدر اردوغان کا اظہارِ تشویش
قابل ذکر ہے کہ مغربی ذرائع ابلاغ کے مطابق امریکہ نے یوکرین کی جنگ کے خاتمے کے بدلے کریمیا، دونباس اور یوکرین کے کئی دیگر علاقوں کو روس کا حصہ قرار دینے پر رضامندی ظاہر کی ہے۔
ان رپورٹوں میں دعوی کیا گیا ہے کہ کی ایف کو اس کے بدلے امریکہ اور یورپ کی سیکورٹی ضمانتیں فراہم کی جائيں گی۔
رپورٹوں کے مطابق، یوکرین میں روسی زبان کو باضابطہ زبان کی حیثیت دینا، کی ایف کے زیرانتظام علاقوں میں غیرملکی فوجیوں کی عدم موجودگی اور روس پر عائد پابندیوں کا خاتمہ بھی ان تجاویز کا حصہ ہیں۔
روس نے اعلان کیا ہے کہ جب تک باضابطہ مسودہ نہیں ملتا، اس وقت تک ان اندازوں کو سیاسی گفتگو کی بنیاد سمجھا نہیں جا سکتا ہے۔
The post یوکرین کی جنگ کے خاتمے کے لیے امریکہ سے کسی باضابطہ منصوبے کا مسودہ نہیں ملا، پیسکوف appeared first on شیعہ نیوز پاکستان.
