شیعہ نیوز: حزب اللہ کے چیف آف اسٹاف ہیثم علی طباطبائی کو شہید کرنے کے بعد بھی بزدل اور خوف زدہ اسرائیل چین کی نیند نہ سو سکا۔ عرب میڈیا کے مطابق بیروت کے جنوبی مضافات میں حزب اللہ کے عسکری چیف آف اسٹاف ہیثم علی طباطبائی کی نماز جنازہ ادا کر دی گئی۔ اسرائیلی دھمکیوں اور ہائی الرٹ سکیورٹی کے باوجود نماز جنازہ میں عوام کا سیلاب اُمڈ آیا تھا، جبکہ حزب اللہ کی اعلیٰ قیادت اور جنگجوؤں کی بڑی تعداد بھی موجود تھی۔ ہیثم علی طباطبائی کے نماز جنازے سے خوف زدہ اسرائیلی فوج نے پورے علاقے کی نگرانی جاری رکھی اور دن بھر اسرائیلی ڈرونز نچلی پروازیں کرتے رہے۔ مقامی میڈیا اور سوشل میڈیا پر جاری ہونے والی فوٹیجز میں واضح طور پر اسرائیلی ڈرونز کو جنازے کے جلوس کے اوپر انتہائی کم بلندی پر پرواز کرتے ہوئے دیکھا جاسکتا ہے۔ اسرائیلی فوج نے جنوبی لبنان کے علاقے میں توپ خانے سے گولہ باری جاری رکھی، جس میں حزب اللہ کے ٹھکانوں کو نشانہ بنایا گیا۔ حزب اللہ کے حمایت یافتہ لبنانی اخبار الاخبار نے دعویٰ کیا کہ اسرائیلی گولہ باری کے نتیجے میں جنگلات اور کھیتوں میں آگ بھڑک اٹھیں۔ اسرائیلی فوج نے ابھی تک ان حملوں یا ڈرونز کی پرواز سے متعلق کوئی سرکاری بیان جاری نہیں کیا، تاہم صیہونی ریاست ایسی کارروائیوں کو دفاعی حق قرار دیتی آئی ہے۔
دیگر ذرائع کے مطابق اسرائیلی حملے میں شہید ہونے والے حزب اللہ کے اعلیٰ کمانڈر ہیثم علی طبطبائی کی نماز جنازہ بیروت میں ادا کر دی گئی، ہزاروں افراد نے شرکت کی۔ لبنانی وزارت صحت کے مطابق گذشتہ روز بیروت کی رہائشی عمارت پر اسرائیلی حملے میں 5 افراد شہید اور 28 زخمی ہوئے تھے۔ ایران نے حزب اللہ ملٹری چیف کے قتل کی مذمت کرتے ہوئے اسرائیلی حملے کو عالمی امن و سلامتی کے لیے بڑا خطرہ قرار دے دیا۔ ترجمان ایرانی وزارت خارجہ کا کہنا ہے جنگ بندی کے ضامن ممالک اس صورتحال کے براہ راست ذمہ دار ہیں، اسرائیل کی منظم دہشت گردی روکنے کے لیے سنجیدہ اقدامات کیے جائیں۔ رپورٹس کے مطابق حزب اللہ نے اسرائیل کو ردعمل دینے پر غور شروع کر دیا، اسرائیل نے بھی شمالی علاقوں میں سکیورٹی الرٹ بڑھا دیا۔
The post حزب اللہ کے چیف آف اسٹاف کی نماز جنازہ ادا، ہزاروں افراد کی شرکت appeared first on شیعہ نیوز پاکستان.
