شیعہ نیوز: سی این این نے دعویٰ کیا ہے کہ مادورو حکومت نے امریکی صدر ٹرمپ کے نمائندوں سے رابطہ کیا ہے تاکہ مذاکرات کا آغاز ہو سکے، تاہم وائٹ ہاؤس نے ان کے فوری استعفے پر زور دیا ہے۔
رپورٹ کے مطابق معروف امریکی چینل سی این این نے دعویٰ کیا ہے کہ وینزویلا کے صدر نیکولس مادورو کی حکومت نے امریکی صدر ڈونلڈ ٹرمپ کے نمائندوں سے رابطہ کیا ہے تاکہ دونوں ممالک کے درمیان مذاکرات کی راہ ہموار ہو سکے۔ بعض امریکی حکام نے اس تجویز کو کاراکاس اور واشنگٹن کے درمیان اختلافات حل کرنے کے لیے قابلِ قبول قرار دیا، تاہم وائٹ ہاؤس نے مادورو کے فوری استعفے پر اصرار کیا ہے۔
29 نومبر کو ٹرمپ نے سوشل میڈیا پلیٹ فارم ٹروتھ سوشیال پر اعلان کیا کہ وینزویلا کی فضائی حدود بند کر دی جائے گی۔
واشنگٹن وینزویلا حکومت پر منشیات کی اسمگلنگ کے خلاف ناکافی اقدامات کا الزام لگاتا ہے۔
یہ بھی پڑھیں : پاکستان اور افغانستان فوجی تصادم کی نئی لہر کی طرف بڑھ رہے ہیں، انٹرنیشنل میڈیا
دوسری طرف امریکی بحریہ نے بھی طیارہ بردار بحری جہاز جیرالڈ آر فورڈ، ایک جوہری آبدوز اور 16 ہزار سے زائد فوجیوں پر مشتمل ایک جنگی گروپ کو بحیرہ کیریبین میں تعینات کر دیا ہے۔
ستمبر سے اب تک امریکی افواج نے کم از کم 20 تیز رفتار کشتیوں کو غرق کیا ہے، جس کے نتیجے میں 80 سے زائد افراد ہلاک ہوئے ہیں۔
امریکی ذرائع ابلاغ بارہا اس امکان کی خبر دے چکے ہیں کہ امریکہ جلد وینزویلا کی سرزمین پر فوجی حملے شروع کر سکتا ہے۔
27 نومبر کو ٹرمپ نے اعلان کیا کہ واشنگٹن جلد ہی وینزویلا سے منشیات کی اسمگلنگ کے خلاف کارروائی شروع کرے گا، تاہم اس ممکنہ آپریشن کی تفصیلات فراہم نہیں کیں۔
وینزویلا کے صدر نیکولاس مادورو نے اوپیک اور اوپیک پلس کو ایک باضابطہ خط میں خبردار کیا کہ واشنگٹن کے منصوبوں کے نتیجے میں اس ملک کے وسیع تیل کے ذخائر پر قبضے کی کوشش کی جا رہی ہے۔ انہوں نے کہا کہ امریکہ فوجی طاقت کے ذریعے وینزویلا کے ان عظیم تیل کے ذخائر پر قبضہ کرنا چاہتا ہے، جو دنیا کے سب سے بڑے ثابت شدہ ذخائر شمار ہوتے ہیں۔
The post واشنگٹن_کاراکاس میں رابطے، مادورو نے اقتدار چھوڑنے کی شرط رکھی، سی این این کا دعویٰ appeared first on شیعہ نیوز پاکستان.
