شیعہ نیوز: مشترکہ انسداد دہشت گردی مشقوں (سہند 2025) کے کمانڈر جنرل ولی معدنی نے کہا ہے کہ سپاہ پاسداران خطے میں دہشت گردی مخالف محاذ کی معمار اور دہشت گردوں سے لڑنے کے لیے ہمہ وقت تیار ہے۔
بریگیڈیئر جنرل ولی معدنی نے صحافیوں اور نامہ نگاروں کو سہند 2025 فوجی مشقوں کے بارے میں بریفنگ دیتے ہوئے کہا کہ دوسال قبل ایران کی مسلح افواج کے سربراہ فیلڈ مارشل شہید محمد باقری نے ان مشقوں کی داغ بیل ڈالی تھی۔
انہوں نے کہا کہ سالانہ انسداد دہشت گردی مشقوں کا انعقاد شنگھائی تعاون تنظیم کی ایگزیکٹیو کمیٹی کے ایجنڈے کے حصہ ہے اور ایران اس مشق کی میزبانی کرنے والا چوتھا ملک ہے۔
یہ بھی پڑھیں : غزہ میں طبی نظام کی تباہی اور امداد کی کمی علاج کی توسیع میں سب سے بڑی رکاوٹ ہے، ڈوجاریک
بریگیڈیئر جنرل ولی معدنی نے کہا کہ شنگھائی تعاون تنظیم کی ایگزیکٹیو کمیٹی میں ازبکستان، تاجکستان، روس، پاکستان، کرغزستان، چین، قازقستان، ایران، ہندوستان اور بیلاروس جیسے خطے کے اہم ممالک ہیں۔
سہند 2025 مشترکہ انسداد دہشت گردی مشقوں کے کمانڈر نے کہا کہ یہ ممالک اس باضابطہ رکن کی حیثیت سے ان مشقوں میں حصہ لے رہے ہیں اور پڑوسی ممالک بشمول سعودی عرب، جمہوریہ آذربائیجان، عمان اور عراق مبصر کی حیثیت سے شریک ہیں۔
بریگیڈیئر جنرل معدنی نے مزید کہا کہ اتوار سے ان مشقوں کا آغاز ہوگيا ہے اور اس کی مرکزی تقریب آج منعقد ہوگی۔ انہوں نے بتایا یہ سہند 2025 فوجی مشقیں پانچ روز تک جاری رہیں گی۔
The post سپاہ پاسداران انقلاب اسلامی دہشت گردی مخالف محاذ کی معمار ہے، جنرل ولی معدنی appeared first on شیعہ نیوز پاکستان.
