شیعہ نیوز : ایس ایس پی ملیر عبد الخالق پیرزادہ کی علامہ غازی اورنگزیب فاروقی سے مبینہ اہم ملاقات نے نہ صرف شہریوں میں شدید تشویش پیدا کی ہے بلکہ یہ سنگین سوال بھی اٹھا دیا ہے کہ آخر سندھ پولیس کے افسران کن لوگوں سے روابط بنا رہے ہیں۔
اورنگزیب فاروقی کا پس منظر، شدت پسندی، نفرت انگیزی اور ملک دشمن بیانیے سے جڑا ہوا ہے،ایسے شخص سے ملاقات نہ “روابط” کہلاتی ہے اور نہ “کمیونیکیشن” یہ سیدھا سیدھا ریاستی اداروں کی ساکھ پر ضرب ہے۔
پولیس کا فرض عوام کی حفاظت اور دہشت گردی کے خلاف صفِ اول میں کھڑا ہونا ہے، لیکن جب خود پولیس افسر انتہا پسند فکر رکھنے والے افراد سے بیٹھکیں کرتے نظر آئیں تو یہ نہ صرف سیکیورٹی اداروں کے مورال کو گراتا ہے بلکہ ملک دشمن عناصر کو یہ پیغام بھی دیتا ہے کہ ریاست کی صفوں میں ہی نرم گوشہ موجود ہے۔
ایسی ملاقاتیں:
دہشت گردی کے متاثرین کے زخموں پر نمک چھڑکتی ہیں
سیکیورٹی فورسز کی جانب سے دی گئی قربانیوں کی توہین ہیں
یہ بھی پڑھیں : غرب اردن میں زمینوں کی بلڈوزنگ اسرائیلی قبضے اور یہودیانے کے منصوبے کی تازہ کڑی ہے، حماس
اور یہ احساس پیدا کرتی ہیں کہ شاید کچھ ادارے شدت پسند گروہوں کو “مین اسٹریمنگ” کے نام پر دوبارہ جگہ دینے کی کوشش کررہے ہیں
سوال یہ ہے کہ ایک افسر کی ترجیحات امن و امان ہونی چاہئیں یا ایسے عناصر کی خوشنودی جو ماضی میں نفرت، تشدد اور انتہا پسندی کو ہوا دیتے رہے؟
ریاست کو چاہیے کہ اس ملاقات کا سختی سے نوٹس لے، واضح کرے کہ پولیس کا کسی بھی شدت پسند یا فکری طور پر دہشت گردی سے وابستہ شخص سے کوئی رابطہ قابلِ قبول نہیں۔ اگر ایسے اقدامات کو نہ روکا گیا تو عوام کا اعتماد بھی کمزور ہوگا اور دشمن قوتوں کو مزید حوصلہ ملے گا۔
یہ وقت ہے کہ سندھ پولیس اپنی صفوں میں موجود ایسے رجحانات کی کھل کر تردید کرے،ورنہ یہ ایک خطرناک مثال بن جائے گی۔
The post سندھ پولیس کے افسر کی ایک انتہا پسند شخصیت سے ملاقات،ریاستی اداروں کے لیے خطرناک پیغام appeared first on شیعہ نیوز پاکستان.
