شیعہ نیوز: اقوام متحدہ میں ایران کے مستقل مندوب اور سفیر نے مظلوم فلسطینی عوام کی نسل کشی اور انسانیت کے خلاف وسیع جرائم پر عالمی برادری کی خاموشی کو سخت تنقید کا نشانہ بنایا ہے۔
رپورٹ کے مطابق اقوام متحدہ میں اسلامی جمہوریہ ایران سفیر امیر سعید ایروانی نے نسلی تصفیے کی بھینٹ چڑھنے والوں کی یاد میں منعقدہ جنرل اسمبلی کی نشست سے خطاب میں کہا کہ نسلی تصفیے کے گھناؤنے جرائم کو خاموشی سے پاک نہیں کیا جاسکتا۔
انھوں نے کہا دنیا کو غاصب صیہونی حکومت کے نسل کشی اور انسانیت کے خلاف جرائم روکنے اور دنیا سے نسل کشی کے خاتمے کے لئے ٹھوس اقدامات کرنے ہوں گے۔
یہ بھی پڑھیں : شام کے ساتھ کسی مفاہمت پر نہیں پہنچے، اسرائیلی وزیراعظم نیتن یاہو
امیر سعید ایروانی نے کہا کہ ہم نسلی تصفیے کی بھینٹ چڑھنے والوں کی یادمنانے کے لئے جنرل اسمبلی کی قرار داد کے ایک بانی ملک کی حیثیت سے، نسل کشی کے بھینٹ چڑھنے والوں کو خراج پیش کرتے ہیں جن کی انسانی کرامت نے بین الاقوامی برادری کو مجبورکیا کہ یقین اور صراحت کے ساتھ اس سلسلے میں اخلاقی اقدام کرے۔
انھوں نے کہا کہ نسل کشی کا خاتمہ صرف ایک مشترکہ آرزو ہی نہیں ہے بلکہ بین الاقوامی قوانین کے مطابق ایک مشترکہ لازمی فریضہ اورانسانیت کے تعلق سے ہماری مشترکہ سنگین ذمہ داری بھی ہے۔
اقوام متحدہ میں ایران کے سفیر نے کہا کہ حقیقت یہ ہے کہ آج ہماری اجتماعی ذمہ داری ہے کہ دنیا میں ہر جگہ نسلی تصفیے کے خطرات کو روکیں اور نسلی کشی کے جرائم کا ارتکاب کرنے والوں کی کسی بھی طرح کی مدد معاونت سے گریز کریں۔
امیر سعید ایروانی نے کہا کہ نسل کشی کو روکنا ایسا بین الاقوامی قانون ہے جو عالمی برادری کے ہر رکن کے لئے حکم کا درجہ رکھتا ہے اور کسی بھی حکومت کو یہ اجازت نہیں ہے کہ اس کو نظرانداز کردے، یا اپنی مرضی کے مطابق پالیسی اختیار کرے۔
انھوں نے کہا کہ عدل و انصاف کے قیام کے لئے کسی بھی رو رعایت کے بغیر اقدام کرنا چاہئے کیونکہ مجرمین کو ان کے جرائم کی سزا نہ ملنے سے جرائم بڑھتے ہیں۔
The post دنیا میں نسل کشی اور انسانیت کی پامالی پرمبنی صیہونی جرائم کا سلسلہ روکنے کے لئے ٹھوس اقدام کرے، ایروانی appeared first on شیعہ نیوز پاکستان.
