فلسطینیوں کی مصائب سے نظریں چرانا انسانیت کی کھلی توہین ہے، پیدرو سانیچیز

شیعہ نیوز: اسپین کے وزیراعظم پیدرو سانیچیز نے خبردار کیا ہے کہ فلسطینی عوام کو درپیش الم ناک صورت حال سے نظریں چرانا نہ صرف خطرناک ہے بلکہ انسانی اقدار کی کھلی توہین بھی ہے۔

پیدرو سانیچیز نے زور دیتے ہوئے کہا کہ دو ریاستی حل کی جانب پیش قدمی ناگزیر ہے کیونکہ یہی واحد حقیقت پسندانہ اور دیرپا راستہ ہے جو اس جنگ کو ختم کر سکتا ہے۔

یہ بھی پڑھیں : عالمی فوجداری عدالت کو امریکی صدر ٹرمپ کی نئی دھمکیاں

اسپینی وزیراعظم نے واضح کیا کہ اگرچہ سیز فائر پر اتفاق موجود ہے مگر یہ حقیقی ہونا چاہیے محض نام کا نہیں۔

انہوں نے کہا کہ جب تک فلسطینی آبادی پر حملے جاری رہیں گے اور جب تک شہادتوں کا سلسلہ نہیں رکے گا ہم خاموش نہیں بیٹھ سکتے۔

پیدرو سانیچیزنے بتایا کہ اختتام کے قریب یہ سال فلسطینی قوم کے لیے اپنی نوعیت کا بدترین سال ثابت ہوا ہے۔

سات اکتوبر سنہ 2023ء سے اب تک قابض اسرائیلی فوج نے امریکی اور یورپی پشت پناہی کے ساتھ غزہ کی پٹی میں منظم نسل کشی کی کارروائیاں جاری رکھی ہیں جن میں قتل عام، بھوک مسلط کرنا، تباہی، جبری بے دخلی اور گرفتاریوں کی یلغار شامل ہے۔ قابض اسرائیل نے عالمی مطالبات اور عالمی عدالت انصاف کے واضح احکامات تک کو مسلسل نظرانداز کیا۔

The post فلسطینیوں کی مصائب سے نظریں چرانا انسانیت کی کھلی توہین ہے، پیدرو سانیچیز appeared first on شیعہ نیوز پاکستان.

​