شیعہ نیوز: نیوز ذرائع نے اطلاع دی ہے کہ غزہ پٹی میں شدید بارش کے بعد وہاں کے مکینوں کے حالات زندگی انتہائی مشکل ہو گئے ہیں اور مکانات گرنے سے 16 افراد جان کی بازی ہار گئے ہیں۔
المیادین کی ہفتہ کی رپورٹ کے مطابق غزہ پٹی میں شدید بارش اور درجہ حرارت میں کمی کے بعد اس علاقے کے لوگ مشکل حالات میں زندگی گزار رہے ہیں۔
المیادین کی ایک رپورٹ کے مطابق سیوریج کا پانی بارش کے پانی میں مل جانے کے سبب صورت حال مزید بدتر ہوگئی اور علاقے میں بیماریاں پھیلنے کا اندیشہ ہے۔
یہ بھی پڑھیں : اسرائیل نے جنگ بندی شرائط کی دھجیاں بکھیر دی ہے، عبدالجبار سعید
قابض اسرائیلی حکومت غزہ کے عوام پر دباؤ ڈال رہی ہے، اپنے معاہدوں کی پاسداری نہیں کر رہی اور انسانی ہمدردی کے پروٹوکول پر عمل نہیں کر رہی، اور فلسطینیوں کو حالات کے رحم و کرم پر چھوڑ دیا گيا ہے۔
المیادین کے مطابق اسرائیلی جارحیت اور رہائشی علاقوں پر بمباری کے دوران غزہ کے عوام کے گھروں میں دراڑیں پڑ گئیں اور بارش اور طوفان کے بعد متعدد مکانات منہدم ہوگئے جس کے نتیجے میں 3 بچوں سمیت 16 افراد شہید ہوگئے۔
دوسری جانب ہفتے کے روز “محمد صبری ادھم” نامی نوجوان فلسطینی کو صہیونیوں نے گولی مار کر شہید کر دیا۔
قابض اسرائیلی حکومت نے مشرقی غزہ شہر کے الطفاح علاقے پر بھی بمباری کی۔
خان یونس کے مشرقی علاقے کو بھی اسرائیلی فضائی حملوں کا نشانہ بنایا گیا۔
The post غزہ میں شدید بارش کے بعد تباہ کن حالات، 16 افراد شہید appeared first on شیعہ نیوز پاکستان.
