افغانستان کی صورتحال کا جائزہ لینے کے لیے علاقائی اجلاس

اتوار کو ایرانی وزارت خارجہ کی میزبانی میں ایک اہم علاقائی اجلاس منعقد ہوا، جس کا مقصد افغانستان کی صورتحال پر صلاح و مشورہ اور تبادلہ خیال کرنا تھا۔
اجلاس میں پاکستان کے وزیراعظم کے نمائندے، روس اور ازبکستان کے صدور کے نمائندوں اور چین، تاجکستان اور ترکمانستان کی وزارت خارجہ کے عہدیداروں نے شرکت کی۔ اس ملاقات کے آغاز میں ایرانی وزیر خارجہ سید عباس عراقچی نے افغانستان اور جنوبی ایشیا کے خطے میں ہونے والی تبدیلیوں کے بارے میں تہران کے موقف پر روشنی ڈالی۔