شیعہ نیوز: آسٹریلوی ابلاغیاتی ذرائع نے رپورٹ دی ہے کہ اس ملک کے ایک مسلمان احمد الاحمد نے خالی ہاتھ ہونے کے باوجود اتوار کو یہودیوں کے ایک جشن کے موقع پر ایک حملہ آور سے اس کا اسلحہ چھین کر دسیوں یہودیوں کو ہلاکت سے بچالیا۔
رپورٹ کے مطابق سڈنی کے بونڈی ساحل پر نصب سی سی ٹی وی کیمروں کی فوٹیج سے معلوم ہوا ہے کہ ایک آسٹریلوی مسلمان احمد الاحمد گاڑیوں کے پیچھے چھپ کر ایک حملہ آور تک پہنچتا ہے اور پیچھے سے اس پر حملہ کرکے اس کے ہاتھ سے گن چھین لیتا ہے اور اس طرح جشن حنوکا میں شریک بہت سے یہودیوں کو ہلاک ہونے سے بچالیتا ہے۔
رپورٹوں میں بتایا گیا ہے کہ جان پر کھیل کر مسلح حملہ آور پر حملے کے بعد احمد الاحمد اور مسلح حملہ آور میں لڑائی ہوتی ہے اور احمد الاحمد اس کو مغلوب کرنے میں کامیاب ہوجاتا ہے اور اس کی بندوق چھین کر اسی کی طرف تان لیتا ہے جس کے بعد حملہ آور بھاگ لیتا ہے اور یہ سارے مناظر سی سی ٹی وی کیمروں میں ریکارڈ ہوگئے۔
یہ بھی پڑھیں : وینزویلا اپنی دفاعی حکمت عملی کو مضبوط کر رہا ہے، نکولس مادورو
سی سی ٹی وی میں ان مناظر کو دیکھنے کے بعد آسٹریلیا کے نیو ساؤتھ ویلز کے وزیر اعظم کریس منز نے انہیں اپنی زندگی کے نادر ترین مناظر قرار دیا۔
جب احمد الاحمد نے یہودیوں کے جشن پر حملے کے لئے آنے والے ایک حملہ آور سے اسلحہ چھین لیا تو دوسرے حملہ آور نے ان پر فائرنگ کردی اور ان کے ہاتھ اور شانے پر گولی لگی جس کے بعد انہیں اسپتال پہنچایا گیا۔
اسپتال کے باہر احمد کے چچا زاد بھائی مصطفی نے آسٹریلیا کے نیوز 7 ٹی وی چینل کے ساتھ گفتگو میں بتایا کہ احمد کو اس سے پہلے اسلحے کا کوئی تجربہ نہیں تھا، اس کے باوجود انھوں نے جان پر کھیل کر لوگوں کی جان بچانے کا فیصلہ کیا۔
آسٹریلیا کے نیوساؤتھ ویلز کے وزير اعظم کریس منز نے احمد الاحمد کے اس اقدام کی قدردانی کرتے ہوئے کہا ہے کہ اس میں شک نہیں کہ ان کی شجاعت کے نتیجے میں آج رات بہت سے لوگ زندہ بچ گئے، انھوں نے فوری اقدام سے دسیوں افراد کی زندگی بچالی ۔
The post وہ مسلمان جس نے سڈنی میں دسیوں یہودیوں کو بچا لیا appeared first on شیعہ نیوز پاکستان.
