شیعہ نیوز: آئی اے ای اے کے سیکریٹری جنرل رافائل گروسی نے کہا ہے کہ ان کے بقول روس ایران کے ایٹمی پروگرام کے موضوع کے حل میں اہم کردار ادا کرسکتا ہے۔
رافائل گروسی نے اسپتنک نیوز ایجنسی کو انٹرویو دیتے ہوئے کہا کہ ایران کے ایٹمی معاملے پر روس کے صدر ولادیمیر پوتین، وزیر خارجہ، روس ایٹم کمپنی کے سربراہ اور روس کی وزارت دفاع کے کئی ارکان سے ان کے بقول “اس اہم موضوع” کے بارے میں بات چیت ہوئی۔
یہ بھی پڑھیں : ایران کا اقوام متحدہ کے سیکریٹری جنرل کے انتخاب کے عمل میں شفافیت کا مطالبہ
قابل ذکر ہے کہ ایران کی ایٹمی تنصیبات پر اسرائیلی حکومت اور امریکہ کے وحشیانہ حملوں اور اس پر آئی اے ای اے اور اس عالمی تنظیم کے سربراہ کی خاموشی بلکہ ضمنی تائید کے بعد ایران کی پارلیمنٹ نے ایٹمی توانائی کی عالمی ایجنسی کے ساتھ تعلقات کو معطل کرنے کا قانون منظور کردیا تھا۔
گروسی نے دعوی کیا ہے کہ ایران میں آئی اے ای اے کی سرگرمیاں انتہائی محدود ہیں اور اہم ایٹمی مراکز تک دسترسی فراہم نہیں ہوسکی ہے۔
اس قانون کے مطابق، جب تک فریق مقابل عالمی قوانین کے مطابق اپنی ذمہ داریاں پوری نہیں کرتا تب تک آئی اے ای اے کے ساتھ تعاون کا سلسلہ معطل رہے گا اور ایٹمی توانائی کی عالمی ایجنسی کی ہر درخواست کا الگ الگ ایران کی اعلی قومی سلامتی کونسل میں جائزہ لیکر، اس بارے میں ملک کے مفادات کے مطابق فیصلہ کیا جائے گا۔
The post روس ایران کے ایٹمی پروگرام کے موضوع کو حل کرنے میں انتہائی اہم کردار ادا کرسکتا ہے، رافائل گروسی appeared first on شیعہ نیوز پاکستان.
