شیعہ نیوز: ایران کے نائب وزیر خارجہ کاظم غریب آبادی نے، جو تہذیبوں کے اتحاد سے متعلق عالمی اجلاس میں شرکت کے لیے سعودی عرب کے دورے پر ہیں، اسلامی تعاون تنظیم کے سیکریٹری جنرل سے ملاقات اور تبادلہ خيال کیا ہے۔
اس ملاقات میں غزہ کے عوام کے خلاف صیہونی حکومت کے جرائم اور علاقے کے دیگر ممالک کے خلاف اس کی جارحیت کا معاملہ بھی زیر بحث آیا۔
یہ بھی پڑھیں : نئے زیارات گروپ آرگنائزرز کو رجسٹریشن سرٹیفکیٹس جاری کردیئے گئے ہیں ، وزرات مذہبی امور
ایران کے نائب وزیر خارجہ نے اس موقع پر کہا کہ غاصب صیہونی حکومت نے غلط اندازوں اور امریکہ کی حمایت سے ایران پر فوجی جارحیت کا ارتکاب کیا لیکن ایران کی جانب سے اس کا منہ توڑ جواب دیا گیا۔
اسلامی تعاون تنظیم کے سیکریٹری جنرل حسین ابراہیم طہ نے او آئی سی میں ایران کے اہم کردار کا حوالہ دیتے ہوئے ایران کی حمایت اور دفاع کے لیے تنظیم کے عزم کا اعلان کیا۔
انہوں نے کہا ہے کہ ہمیں امید ہے کہ ایران او آئي سی کے مشن، اہداف اور اقدامات کی حمایت کا سلسلہ جاری رکھے گا۔
The post اسلامی تعاون تنظیم ایران کی حمایت اور دفاع کے لیے پرعزم ہے appeared first on شیعہ نیوز پاکستان.
