شیعہ نیوز: عالمی فوجداری عدالت نے اپنے 2 ججوں پر امریکہ کی جانب سے پابندی عائد کئے جانے کو سخت ہدف تنقید بنایا ہے۔
رپورٹ کے مطابق ہیگ کی عالمی فوجداری عدالت نے اپنے 2 ججوں پر امریکی پابندی کے اقدام کو ایک غیر جانبدار ادارے کی خود مختاری پر حملہ قرار دیتے ہوئے کہا ہے کہ امریکہ کا یہ اقدام قابل مذمت ہے۔
عالمی فوجداری عدالت کے مطابق، امریکہ نے جارجیا اور منگولیا سے تعلق رکھنے والے ججوں بالترتیب “گوچا لورڈکیپانیڈزے” اور “ایردینے بالسورن دامدین” پر پابندی عائد کی ہے۔
یہ بھی پڑھیں : بیت المقدس میں نئی یہودی بستی کا صہیونی منصوبہ عالمی قوانین کے ساتھ مذاق ہے، حماس
ان پابندیوں کے تحت امریکی حکومت ان ججوں کے اثاثوں کو ضبط اور ان کے لیے پریشانیاں پیدا کرسکتی ہے۔
قابل ذکر ہے کہ امریکہ نے اس سے پہلے بھی عالمی فوجداری عدالت کے 9 ججوں اور پراسیکیوٹروں پر پابندی عائد کی تھی۔
یہ پابندیاں غزہ میں صیہونی جرائم کا ارتکاب کرنے والے غاصب صیہونی وزیر اعظم نیتن یاہو اور سابق صیہونی وزیر جنگ کے خلاف گرفتاری وارنٹ جاری کرنے پر لگائی گئی ہیں۔
The post امریکی پابندیاں بین الاقوامی انصاف پر شدید حملہ، عالمی فوجداری عدالت کی مذمت appeared first on شیعہ نیوز پاکستان.
