شیعہ نیوز: علاقائی کشیدگی میں تیزی کے پس منظر میں ایرانی پاسدارانِ انقلاب کے کمانڈر جنرل محمد پاکپور نے امریکہ اور اسرائیل کو براہِ راست اور دوٹوک انتباہ جاری کرتے ہوئے خبردار کیا ہے کہ کسی بھی غلط اندازے کے نتائج نہایت تکلیف دہ ہوں گے، جبکہ ایرانی افواج مکمل جنگی تیاری کی بلند ترین سطح پر موجود ہیں۔
ایرانی پاسدارانِ انقلاب کے کمانڈر جنرل محمد پاکپور نے جمعرات کے روز واضح الفاظ میں کہا کہ انگلی ٹریگر پر ہے، اور واشنگٹن اور تل ابیب کو تاریخ کے تجربات سے سبق سیکھنا چاہیے، خصوصاً اس جنگ سے جو ان کے بقول بارہ دن تک ایران پر مسلط کی گئی، تاکہ اس سے بھی زیادہ دردناک انجام سے بچا جا سکے۔
ایرانی پاسدارانِ انقلاب کے کمانڈر نے اس بات پر زور دیا کہ پاسدارانِ انقلاب اور ایران پہلے سے کہیں زیادہ مستعد اور تیار ہیں اور مسلح افواج کے سپریم کمانڈر آیت اللہ علی خامنہ ای کی جانب سے جاری ہونے والے تمام احکامات اور اقدامات پر فوری عملدرآمد کے لیے پوری طرح آمادہ ہیں۔ ان کے مطابق عسکری تیاری اس وقت انتہائی بلند سطح پر پہنچ چکی ہے۔
یہ بھی پڑھیں : دنیا کے موجودہ حالات میں امام حسین کی سیرت پر عمل کرنا ضروری ہے، علامہ شہنشاہ نقوی
انہوں نے گزشتہ 12 روزہ جنگ کے بعد کم ازکم اتنا اندازہ تو ہوگیا ہوگا ہمارے دشمنوں کو کہ ہم پر حملے کی صورت میں انہیں درناک صورت حال کا سامنا کرنا پڑے گا، جس کا انہی کو بعد میں پچھتاوا ہوگا۔
یہ بیانات ایرانی سرکاری ٹیلی ویژن پر جاری کیے گئے ایک تحریری اعلامیے میں سامنے آئے، جو پاسدارانِ انقلاب کے یومِ تاسیس کی مناسبت سے نشر کیا گیا۔ پاسدارانِ انقلاب کی بنیادی ذمہ داری ایران کو اندرونی اور بیرونی خطرات سے محفوظ رکھنا ہے۔
اسی تناظر میں پاسدارانِ انقلاب کی زمینی افواج کے کمانڈر بریگیڈیئر جنرل محمد کرمی نے اپنے ایک سابقہ بیان میں کہا تھا کہ زمینی افواج مکمل جنگی تیاری کی حالت میں ہیں۔
ان کا کہنا تھا کہ ایرانی سکیورٹی سرحدی نقطۂ آغاز سے لے کر ملک کے اندرونی علاقوں تک مضبوط اور مستحکم ہے، اور جو آنکھ بھی ہماری سرزمین پر بری نیت ڈالے گی ہم اسے اکھاڑ پھینکیں گے۔
The post انگلی ٹریگر پر ہے، امریکہ اور اسرائیل کو غلط حساب مہنگا پڑے گا، جنرل محمد پاکپور appeared first on شیعہ نیوز پاکستان.
