شیعہ نیوز: میانوالی میں چاپڑی ڈیم کے قریب کاؤنٹر ٹیررازم ڈپارٹمنٹ (سی ٹی ڈی) اور دہشت گردوں میں فائرنگ کے تبادلے میں 6 دہشت گرد اپنے ہی ساتھیوں کی فائرنگ سے ہلاک ہو گئے۔
ترجمان سی ٹی ڈی کے مطابق سی ٹی ڈی نے دہشت گردوں کی گرفتاری کے لیے چاپڑی ڈیم کے قریب چھاپہ مارا تھا کہ اسی دوران دہشت گردوں نے سی ٹی ڈی ٹیم پر فائرنگ کردی۔
یہ بھی پڑھیں : امریکی اڈے ہمارے میزائلوں کی رینج میں ہیں، حملہ ہوا تو فیصلہ کن جواب دیں گے، ایرانی فوج
سی ٹی ڈی کے ترجمان کا کہنا ہے کہ 6 خطرناک دہشت گرد اپنے ہی ساتھیوں کی فائرنگ سے ہلاک ہو گئے جبکہ 8 دہشتگرد اندھیرے کا فائدہ اٹھاتے ہوئے فرار ہو گئے۔
ترجمان سی ٹی ڈی نے بتایا کہ دہشت گردوں سے ایک خودکش جیکٹ، 3 دستی بم، 3 ایس ایم جیز، 200 گولیاں اور بارودی مواد بھی برآمد ہوا ہے۔
سی ٹی ڈی حکام کا کہنا ہے کہ ہلاک دہشت گردوں کی شناخت کا عمل جاری ہے جبکہ فرار ہونے والے دہشت گردوں کی گرفتاری کے لیے بھی اقدامات کیے جا رہے ہیں۔
The post میانوالی، 6 خطرناک دہشت گرد اپنے ہی ساتھیوں کی فائرنگ سے ہلاک، لشکر جھنگوی کے دہشت گرد ہونے کا شبہ appeared first on شیعہ نیوز پاکستان.
