شیعہ نیوز: اصغریہ آرگنائزیشن پاکستان کے مرکزی صدر غلام حسین جعفری کا کہنا ہے کہ سانحہ جامع مسجد خدیجۃ الکبریٰ میں ملوث دہشتگرد عناصر و سہولتکاروں کو فوری گرفتار کیا جائے۔ اپنے مذمتی بیان میں غلام حسین جعفری نے کہا کہ اسلام آباد ترلائی میں جامع مسجد خدیجۃ الکبریٰؑ پر ہونے والے خودکش دھماکے نے عوام کو شدید رنج و الم میں مبتلا کر دیا ہے، اصغریہ آرگنائزیشن اس اندوہناک سانحے پر گہرے دکھ اور افسوس کا اظہار کرتے ہوئے اس بزدلانہ دہشتگردی کی سخت ترین الفاظ میں مذمت کرتی ہے۔
غلام حسین جعفری نے کہا کہ خانہ خدا جیسی مقدس عبادت گاہ کو نشانہ بنانا کھلی انسانیت دشمنی اور سفاکیت ہے، مطالبہ کرتے ہیں کہ ملوث دہشتگرد عناصر اور انکے سہولت کاروں کو فوری گرفتار کرکے قرار واقعی سزا دی جائے اور ملک بھر میں مساجد، امام بارگاہوں سمیت تمام عبادت گاہوں کی کی فول پروف سیکیورٹی یقینی بنائی جائے۔ غلام حسین جعفری نے کہا کہ ہم بارگاہِ الٰہی میں دعاگو ہیں کہ پروردگار زخمیوں کو جلد مکمل صحتیابی عطا فرمائے، شہداء کے درجات بلند کرے۔
The post اصغریہ آرگنائزیشن کا سانحہ جامع مسجد خدیجۃ الکبریٰ میں ملوث دہشتگرد عناصر کی فوری گرفتاری کا مطالبہ appeared first on شیعہ نیوز پاکستان.
