شیعہ نیوز: رہبر انقلاب آیت اللہ العظمیٰ سید علی خامنہ ای نے 22 بہمن (11 فروری) انقلاب اسلامی ایران کی سالگرہ) کے موقع پر ایک ٹیلی ویژن پیغام جاری کیا۔
رہبر انقلاب آیت اللہ العظمیٰ سید علی خامنہ ای نے اس دن کو ایرانی قوم کی طاقت اور عظمت کے اظہار کا دن قرار دیا۔
انہوں نے زور دے کر کہا کہ 22 بہمن کی ریلی میں عوام کی کثیر تعداد میں شرکت اور جمہوری اسلامی نظام سے وفاداری کا اظہار، دشمنوں کو ایران اور اس کے قومی مفادات کے خلاف اپنے منصوبوں سے باز رکھے گا۔ انہوں نے عوام سے اپیل کی کہ وہ اپنے مضبوط عزم اور استقامت کے اظہار سے دشمن کو مایوس، رسوا کریں۔
یہ بھی پڑھیں : روسی آرمی جنرل پر حملہ کرنیوالا ملزم دبئی سے گرفتار، ماسکو منتقل
آیت اللہ خامنہ ای نے اس بات کی طرف اشارہ کیا کہ 22 بہمن 1357 (1979) کو ایرانی قوم نے غیر ملکی مداخلت سے ملک کو آزاد کروایا تھا۔ گزشتہ چار دہائیوں سے بھی زیادہ عرصے میں، قوم نے غیر ملکی طاقتوں کی ملک کو ماضی (قبل از انقلاب) میں لوٹانے کی تمام تر کوششوں کے خلاف ڈٹ کر مقابلہ کیا ہے اور 22 بہمن کا دن اسی استقامت کی علامت ہے۔
آیت اللہ خامنہ ای نے کہا کہ اس عظیم ریلی اور سڑکوں پر موجودگی ان تمام قوتوں کو پسپا کر دے گی جو ایران، اس کے نظام اور عوام کے مفادات پر نظر رکھے ہوئے ہیں۔ انہوں نے ماضی کے واقعات کی مثال دیتے ہوئے کہا کہ اتحاد، مضبوط ارادے اور استقامت کے ذریعے ہی دشمن کو مایوس کیا جا سکتا ہے، اور جب تک دشمن مایوس نہ ہو، وہ اپنی دشمنی ترک نہیں کرے گا۔
رہبر انقلاب کا کہنا ہے کہ سالانہ عوامی مارچ عوام کی وفاداری اور قومی طاقت کا ثبوت ہیں، اور وہ کہتے ہیں کہ حقیقی طاقت عوام کی مرضی سے آتی ہے۔ صرف فوجی طاقت سے نہیں، “قومی طاقت میزائلوں اور ہوائی جہازوں سے کم اور اقوام کی عزم و استقامت سے زیادہ وابستہ ہے۔”
انہوں نے بیرونی دباؤ کے خلاف مزید اتحاد، مقاومت اور سائنس، اخلاق اور ترقی میں پیشرفت جاری رکھنے کی اپیل کی، اور امید ظاہر کی کہ ایسے مظاہرے ایران کو مضبوط کریں گے اور غیر ملکی طاقتوں کو اس کا احترام کرنے پر مجبور کریں گے۔
The post 22 بہمن کی ریلی میں شرکت سے دشمن کو مایوس کریں، رہبر انقلاب آیت اللہ خامنہ ای کی اپیل appeared first on شیعہ نیوز پاکستان.
