شیعہ نیوز: میڈیا کیساتھ گفتگو میں معروف رکن عراقی پارلیمنٹ کا کہنا تھا کہ الاطار التنسیقی نامی اتحاد وزیر اعظم کے عہدے کیلئے اب بھی نوری المالکی کے نام پر ہی اصرار کر رہا ہے۔
رپورٹ کے مطابق معروف عراقی پارلیمنٹیرین علی صابر نے اعلان کیا ہے کہ الاطار التنسیقی نامی اتحاد، الدولۃ القانونیۃ کے سربراہ نوری المالکی کو ہی مستقبل کے وزیر اعظم کے لئے یقینی امیداوار قرار دیتا ہے۔
اس حوالے سے میڈیا کے ساتھ گفتگو میں علی صابر نے زور دیتے ہوئے کہا کہ اس فیصلے پر کسی بھی صورت بات چیت یا معاملہ نہیں کیا جائے گا کیونکہ الاطار التنسیقی، آئندہ مراحل کو سنبھالنے کے لئے نوری المالکی کو ہی سب سے نمایاں اور قابل اتفاق آپشن سمجھتا ہے۔
یہ بھی پڑھیں : برطانیہ سنگین سیاسی بحران کی لپیٹ میں، وزیراعظم سے استعفے کیلئے دباؤ میں اضافہ
عراقی رکن پارلیمنٹ نے کہا کہ یہ فیصلہ سیاسی حالات کی پیچیدگیوں نیز ملک کو درپیش اندرونی و بیرونی چیلنجوں کا مقابلہ کرنے کے لئے کافی تجربہ رکھنے والے شخص کی ضرورت کے پیش نظر کیا گیا ہے۔
انہوں نے کہا کہ اگرچہ مستقبل کے وزیر اعظم کے انتخاب کے بارے اختلافات موجود ہیں لیکن ہم سمجھتے ہیں کہ نوری المالکی نئی حکومت کی قیادت کرنے کی مکمل صلاحیت رکھتے ہیں۔
انہوں نے مزید کہا کہ اس حوالے سے دیگر اتحادوں کے ساتھ بھی مشاورت جاری ہے تاہم ہمارے مرکزی موقف میں کوئی تبدیلی نہیں آئے گی۔
The post وزارت عظمی کیلئے اب بھی نوری المالکی ہی اہم ترین انتخاب ہیں، عراقی رکن پارلیمنٹ appeared first on شیعہ نیوز پاکستان.
