شیعہ نیوز: عبری زبان کی اسرائیلی اخبار نے انکشاف کیا ہے قابض اسرائیلی وزیراعظم نے غزہ کی پٹی سے تعلق رکھنے والے فلسطینیوں کے پاسپورٹ پر “ریاست فلسطین” کے عنوان کے بجائے “پیس کونسل” کے جملے کی حامل مہر استعمال کرنیکا حکم دیا ہے
رپورٹ کے مطابق عبری زبان کی اسرائیلی اخبار یدیعوت احرونوت نے انکشاف کیا ہے کہ غاصب صیہونی وزیر اعظم بنجمن نیتن یاہو نے قابض اسرائیلی حکام کو حکم دیا ہے کہ وہ رفح کراسنگ پر فلسطینی پاسپورٹ پر لگائی جانے والی “سرکاری مہر” کو تبدیل کرنے کے امکان کا جائزہ لیں۔
صیہونی رپورٹ کے مطابق، اس جائزے کا مقصد، اس مہر پر موجود “ریاستِ فلسطین” کے حملے کو “امن کونسل” سے بدلنا ہے جبکہ اس کونسل کے بارے کہا جاتا ہے کہ اسے، جنگ کے بعد غزہ کی پٹی پر حکومت کے لئے تشکیل دیا گیا ہے۔
یہ بھی پڑھیں : امریکی وزارت خارجہ کا ایرانی عوام کے نام پیغام
اسرائیلی اخبار کے مطابق فلسطینی پاسپورٹ اسٹیمپ کا معاملہ ایک ایسے وقت میں سامنے آیا ہے کہ جب قابض اسرائیلی ریجیم کے اندرونی سلامتی کے ادارے – شاباک کے سربراہ ڈیوڈ زینی کی جانب سے ایک سکیورٹی اجلاس میں اس بات کا باضابطہ اعلان کیا جا چکا ہے کہ رفح سے گزرنے والے فلسطینی پاسپورٹ پر “ریاستِ فلسطین” کے الفاظ کی حامل مہر لگائی جائے گی جبکہ یہی وہ سرکاری عنوان ہے کہ جسے فلسطینی اتھارٹی 2013 سے اپنی دستاویزات پر مسلسل استعمال کر رہی ہے۔
صیہونی اخبار کے مطابق بعض اسرائیلی وزراء نے کابینہ کے اجلاس میں بھی اس عنوان کے استعمال اور رفح کراسنگ کے انتظام و انصرام میں فلسطینی اتھارٹی کے ممکنہ کردار کے بارے تشویش کا اظہار کیا ہے جبکہ اسرائیل کا کہنا ہے کہ وہ غزہ کی پٹی میں فلسطینی اتھارٹی کی بطور گورننگ باڈی، واپسی، کی کھل کر مخالفت کرتا ہے!
The post فلسطینی پاسپورٹ پر “ریاست فلسطین” کی مہر لگانے کی نیتن یاہو کیجانب سے سخت مخالفت appeared first on شیعہ نیوز پاکستان.
