شیعہ نیوز: تہران کیساتھ مذاکرات کے دوران جاری ہونیوالے اپنے ایک فارسی پیغام میں امریکی وزارت خارجہ نے ایران پر مزید “دباؤ” ڈالنے کی ضرورت پر زور دیا اور دعوی کیا ہے کہ ایران کیخلاف حالیہ امریکی پابندیوں کا مقصد “ایرانی عوام کی مدد” ہے
رپورٹ کے مطابق امریکی وزارت خارجہ نے اپنے فارسی زبان کے سوشل میڈیا اکاؤنٹ پر ایرانی مصنوعات کی خریداری کرنے والے ممالک پر مزید محصولات کے نفاذ کا حوالہ دیتے ہوئے لکھا ہے کہ صدر ڈونلڈ ٹرمپ ایک ایسے ایگزیکٹو آرڈر پر دستخط کرنے والے ہیں کہ جس کا مقصد اسلامی جمہوریہ (ایران) کی حکومت کا مقابلہ کرنا اور ایسے ممالک پر مزید محصولات عائد کرنا ہے کہ جو ایران سے اشیاء یا خدمات کی خریداری اب بھی جاری رکھے ہوئے ہیں۔
امریکی وزارت خارجہ نے خود کو “ایرانی عوام کا حامی” ظاہر کرتے ہوئے مزید لکھا کہ ان اقدامات کا مقصد “ایرانی عوام کی مدد” ہے۔
یہ بھی پڑھیں : انقلاب اسلامی کی 47 ویں سالگرہ پر سپاہ پاسداران کا پیغام، استعمار کے خلاف مزاحمت جاری رکھنے کا عزم
واضح رہے کہ انتہاء پسند امریکی صدر نے واشنگٹن و تہران کے درمیان مذاکرات کی بحالی کے چند گھنٹے بعد ہی، ہفتے کی صبح ایک بار پھر ایران کے خلاف نئی پابندیوں کا اعلان کیا تھا جبکہ اس حوالے سے جاری ہونے والا ایگزیکٹو آرڈر، امریکہ کو ان ممالک سے درآمد شدہ اشیاء پر اضافی محصولات عائد کرنے کی اجازت بھی دیتا ہے کہ جو ایران سے براہ راست یا بالواسطہ طور پر اشیاء یا خدمات خریدتے ہیں۔
ایرانی تجزیہ کاروں کا کہنا ہے کہ لگتا ہے کہ واشنگٹن، اس وقت نہ صرف ایران میں موجود اپنی “پیدل فوج” کو ایک مرتبہ پھر سڑکوں پر آنے اور وسیع ہنگاموں پر اُکسانے میں مصروف ہے بلکہ اس کے ساتھ ساتھ وہ مغربی ایشیا میں مزید فوجی دستے اور جنگی ساز و سامان کی تعیناتی نیز اقتصادی دباؤ کے ذریعے تہران کو، اپنی مرضی کے معاہدے پر بلا چون و چرا دستخط کر دینے پر مجبور بھی کر دینا چاہتا ہے۔
The post امریکی وزارت خارجہ کا ایرانی عوام کے نام پیغام appeared first on شیعہ نیوز پاکستان.
