حوزہ/یہ حقیقت اب تاریخ کی کتابوں میں محض ایک سیاسی واقعے کے طور پر محفوظ نہیں کہ ۱۹۷۹ء میں ایران میں ایک انقلاب برپا ہوا، بلکہ یہ ایک ہمہ گیر فکری، اعتقادی اور تمدّنی انقلاب تھا، جس نے امتِ مسلمہ کی سوئی ہوئی خودی کو نئی زبان، نئی جرأت اور نیا شعور عطا کیا۔ اس انقلاب کا مرکز نہ کوئی عسکری جرنیل تھا اور نہ کوئی سیاسی جماعت، بلکہ ایک مرجعِ دین، ایک فقیہِ مجاہد اور ایک مردِ خدا — حضرت امام روح اللہ خمینیؒ — تھے۔
