حوزہ/ ڈیرہ اسماعیل خان میں قائد ملت جعفریہ پاکستان علامہ سید ساجد علی نقوی کے حکم پر اور شیعہ علماء کونسل پاکستان کے مرکزی نائب صدر علامہ محمد رمضان توقیر کی قیادت میں سانحہ ترلائی اسلام آباد کے خلاف نماز جمعہ کے بعد احتجاجی ریلی نکالی گئی، جس میں کثیر تعداد میں نمازیوں نے شرکت کی۔ ریلی سے خطاب کرتے ہوئے علامہ محمد رمضان توقیر نے سانحہ ترلائی کی شدید الفاظ میں مذمت کی اور مقتدر سیکیورٹی اداروں سے شہریوں اور اہلکاروں کے تحفظ کے لیے دہشت گرد عناصر کے خلاف سخت کارروائی کا مطالبہ کیا۔
