شیعہ نیوز: ناروے کے وزیرِ خارجہ اسپن بارت ایدہ نے کہا ہے کہ اگر اسرائیلی وزیرِاعظم بنیامین نیتن یاہو ان کے ملک کا دورہ کرتے ہیں تو انہیں گرفتار کر لیا جائے گا۔
رپورٹ کے مطابق ناروے کے وزیرِ خارجہ اسپن بارت ایدہ نے کہا ہے کہ اگر قابض اسرائیلی وزیرِاعظم بنیامین نیتن یاہو ان کے ملک کا دورہ کرتے ہیں تو انہیں گرفتار کر لیا جائے گا۔
انہوں نے ہفتے کے روز اپنے بیان میں کہا کہ مغربی کنارے کی صورت حال مسلسل خراب ہو رہی ہے اور وہاں پیش آنے والے واقعات دو ریاستی حل کو کمزور کر رہے ہیں۔
یہ بھی پڑھیں : وائٹکاف، کوشنر ایران سے متعلق اہم ملاقاتوں کے لیے سفر کر رہے ہیں، مارکو روبیو
ناروے کے وزیرِ خارجہ نے واضح کیا کہ ان کا ملک عالمی فوجداری عدالت کی جانب سے نیتن یاہو اور اسرائیل کے سابق حکام کے خلاف جاری فردِ جرم کی حمایت کرتا ہے، اور اگر یہ شخصیات ناروے کا سفر کرتی ہیں تو انہیں حراست میں لیا جائے گا۔
واضح رہے کہ عالمی فوجداری عدالت نے 21 نومبر کو دو برس قبل نیتن یاہو اور اُس وقت کے اسرائیلی وزیرِ جنگ یوآو گالانت کے خلاف غزہ میں مبینہ طور پر انسانیت کے خلاف جرائم اور جنگی جرائم کے الزامات پر وارنٹِ گرفتاری جاری کیے تھے۔ اس فیصلے کے تحت عدالت کے رکن ممالک پر لازم ہے کہ وہ مطلوب افراد کی اپنے ہاں موجودگی کی صورت میں انہیں گرفتار کریں۔
The post نیتن یاہو ہمارے ملک آئے تو گرفتار کیا جائے گا، ناروے کے وزیرِ خارجہ کا اعلان appeared first on شیعہ نیوز پاکستان.
