شیعہ نیوز: آٹھ عرب اور اسلامی ممالک نے ایک بیان میں صیہونی حکومت کے ذریعے مغربی کنارے کے علاقوں پر قبضے کے اقدام کی شدید مذمت کی ہے۔
موصولہ خبروں کے مطابق پاکستان سمیت آٹھ عرب اور اسلامی ممالک نے ایک بیان جاری کیا ہے جس میں کہا گیا ہے کہ ہم تل ابیب کی جانب سے مغربی کنارے کی زمینوں پر قبضے کے فیصلے کی شدید مذمت کرتے ہیں۔
یہ بھی پڑھیں : تہران میں حالیہ فسادات کے شہداء کی چہلم، بڑی تعداد میں شہریوں کی شرکت
بیان میں کہا گیا ہے کہ ہم انیس سو سرسٹھ کے بعد پہلی بار مغربی کنارے کی زمینوں کی دستاویزی کارروائی شروع کرنے کے صیہونی حکومت کے اقدام کی مذمت کرتے ہیں۔
بیان میں مزید کہا گیا ہے کہ صیہونی حکومت کا یہ اقدام غیر قانونی ہے جو خطرناک کشیدگی کا باعث بنے گا۔ اس کارروائی کا مقصد غیر قانونی بستیوں کی تعمیر اور فلسطینی اراضی پر قبضہ کرنے کے عمل کو تیز کرنا ہے۔
بیان میں کہا گیا ہے کہ یہ اقدام بین الاقوامی قوانین بالخصوص چوتھے جنیوا معاہدے اور مغربی کنارے کے حوالے سے سلامتی کونسل کی قراردادوں کی صریح خلاف ورزی ہے۔
The post عرب اور اسلامی ممالک کی صیہونی حکومت کے غیرقانونی اقدامات کی مذمت appeared first on شیعہ نیوز پاکستان.
