شیعہ نیوز: حزب اللہ عراق کے ایک اعلی عہدایدار نے خطے میں بڑھتی ہوئی کشیدگی اور ایران کے خلاف امریکہ کی حالیہ دھمکیوں کا حوالہ دیتے ہوئے واشنگٹن کی طرف سے کسی بھی فوجی کارروائی کی بابت خبردار کیا ہے۔
العالم کی رپورٹ کے مطابق حزب اللہ عراق کے اعلی کمانڈر ابو علی العسکری نے اپنے پیغام میں خطے میں کشیدگی میں اضافے کا ذکر کرتے ہوئے کہا ہے کہ امریکی صدر ڈونلڈ ٹرمپ کی ایران کے خلاف دھمکیاں اور بحری بیڑوں کی نقل و حرکت اور خطے میں امریکی فوجی اڈوں کی تیاری اس کی ایران پر نئی جارحیت کے بڑھتے ہوئے منظرناموں کی نشاندہی کرتی ہے۔
یہ بھی پڑھیں : کسی بھی غلطی کی صورت میں دشمن کو بھاری نقصان اٹھانا پڑے گا، میجر جنرل موسوی
انھوں نے مزید کہا کہ شام اور عراقی کردستان کے راستے ایران پر ممکنہ حملے کی امریکی تیاریاں بڑھ رہی ہیں اور یہ عمل زمینی نوعیت کا ہو سکتا ہے۔ العسکری نے خطے کی کرد برادری سے بھی کہا ہے کہ وہ تحمل، سنجیدگی اور سمجھداری کا مظاہرہ کریں ۔ انھوں نے اس بات پر زور دیا کہ وہ ایران کو نشانہ بنانے والی کسی بھی فوجی مہم جوئی میں حصہ نہ لیں۔
The post ایران کے خلاف امریکی دھمکیوں پر حزب اللہ عراق کا ردعمل، فوجی کارروائی کی بابت خبردار appeared first on شیعہ نیوز پاکستان.
