شیعہ نیوز : خطیب نماز جمعہ تہران نے مذاکرات کے صرف جوہری معاملے تک محدود ہونے پر زور دیتے ہوئے واضح کیا ہے کہ اسلامی جمہوریہ نظام کسی قیمت پر یورینیئم افزودگی کےتعطل کو تسلیم نہیں کرے گا۔
رپورٹ کے مطابق آیت اللہ سید احمد خاتمی نے خطبہ نماز جمعہ کے دوران ایران – امریکہ بالواسطہ مذاکرات کا حوالہ دیتے ہوئے کہا کہ وزیر خارجہ سید عباس عراقچی نظام کی بات مذاکرات میں کرتے ہیں، اور ہم عوامی نقطہ نظر کی ترجمانی کرتے ہیں، انہوں نے کہا کہ مذاکرات صرف جوہری معاملے پر ہیں اور میزائل پروگرام مذاکرات کے قابل نہیں۔
یہ بھی پڑھیں : امن کے علمبردار ٹرمپ نے ایک بار پھر اپنی حقیقت دکھا دی،میدویدیف
خطین جمعہ تہران نے مزید کہا کہ اسلامی جمہوریہ نظام یورینیئم افزودگی کو معطل کرنے پر نہ تیار تھا، نہ ہے اور نہ ہوگا، یہ ہرزہ سرائی جو بعض امریکی مذاکرات کار کرتے ہیں کہ افزودگی زیرو ہونی چاہیئے، یہ ناممکن ہے۔ آیت اللہ خاتمی نے امریکی صدر کو دور حاضر کا فرعون قرار دیا تاہم واضح کیا کہ ایرانی قوم انکی دھونس دھمکی کے سامنے جھکنے والی نہیں ہے۔
تہران کے جمعہ کے خطیب نے امریکی مذاکراتکار وٹکاف کے اُس بیان کا حوالہ دیا کہ جس میں انہوں ںے کہا تھا کہ اتنے فوجی دباؤ ک باوجود ایران کیوں تسلیم نہیں ہوتا، کہا کہ یہ اس بات کا ثبوت ہے کہ ٹرمپ اور ٹرمپ جیسے لوگ ایرانی قوم کو نہیں پہچانتے اور یہ نادانی ان کے لیے نقصان دہ ثابت ہوگی۔ انہوں نے ایرانی قوم کو مکتب حسینی کیتربیت یافتہ قوم قرار دیا اور کہا کہ اس مکتب کا سلوگن ھیھات منا الذلہ ہے اور اس بار اگر کوئی تصادم ہوا تو یقینی طور پر یزیدی مارے جائیں گے۔
The post آیت اللہ خاتمی: ایران کا اسلامی نظام یورینیئم کی افزودگی ہرگز معطل نہیں کرے گا appeared first on شیعہ نیوز پاکستان.
