شیعہ نیوز: امریکی سفارت خانے کا کہنا ہے کہ اسرائیل میں موجود امریکی شہریوں کے بحفاظت انخلاء کی ضمانت نہیں دے سکتے۔
امریکی و اسرائیلی مشترکہ حملوں میں ایران کے سپریم لیڈر آیت اللّٰہ خامنہ ای کی شہادت کے بعد ایران کی جانب سے اسرائیل، خلیجی ممالک اور عالمی سطح پر تیل و گیس کی پیداوار کی اہم تنصیبات کو نشانہ بنایا جا رہا ہے۔
مشرقِ وسطیٰ میں جنگی صورت حال شدت اختیار کرنے کے بعد یروشلم میں قائم امریکی سفارت خانے نے ہدایت جاری کی ہے کہ تمام امریکی سرکاری ملازمین اور ان کے اہلِ خانہ آئندہ اطلاع تک اپنے گھروں یا محفوظ مقام پر رہیں۔
یہ بھی پڑھیں : یورپ ایران کے خلاف حملوں میں شریک ہونے سے باز رہے، ترجمان اسماعیل بقائی
امریکی سفارت خانے نے آن لائن جاری کردہ سیکیورٹی الرٹ میں کہا ہے کہ اس وقت امریکی سفارت خانہ اسرائیل سے امریکی شہریوں کے انخلاء یا ان کی براہِ راست معاونت کی پوزیشن میں نہیں ہے۔
سفارت خانے کے مطابق اسرائیلی وزارتِ سیاحت نے گزشتہ روز سے طبہ بارڈر کراسنگ تک شٹل سروس شروع کر دی ہے، جس کے لیے رجسٹریشن لازمی ہے۔
سفارت خانے کے مطابق امریکی سفارت خانہ اسرائیلی وزارتِ سیاحت کی شٹل سروس کے حق یا مخالفت میں کوئی سفارش نہیں کر سکتا۔ اگر کوئی اس آپشن کے ذریعے روانگی کا انتخاب کرتا ہے تو امریکی حکومت اس کی حفاظت کی ضمانت نہیں دے سکتی۔
بیان میں واضح کیا گیا کہ یہ معلومات ان افراد کے لیے بطور سہولت فراہم کی جا رہی ہیں جو اسرائیل چھوڑنا چاہتے ہیں۔
The post اسرائیل میں موجود امریکی شہریوں کے بحفاظت انخلاء کی ضمانت نہیں دے سکتے، امریکی سفارت خانہ appeared first on شیعہ نیوز پاکستان.
