شیعہ نیوز: مجلس وحدت مسلمین ضلع شرقی ون، ضلع جنوبی اور دعا کمیٹی کی جانب سے مجلس ترحیم برائے بلندیء درجات شہید رہبر آیت اللہ سید علی خامنہ ای و رفقاء اور دیگر شہدائے ایران، شہدائے ملت جعفریہ اور شہدائے فدائیان رہبر پاکستان مسجد محفلِ شاہ خراسان سولجر بازار میں منعقد کی گئی۔ مجلس سے خطاب کرتے ہوئے مولانا محمد ہادی ولایتی نے کہا کہ رہبر کی شہادت خدا کی مصلحتوں میں سے بہترین مصلحت ہے. رہبر اگر طبیعی طور پر وفات پاتے تو شاید وہ اثر نہ ہوتا جو ان کی شہادت سے ہوا، رہبر امید کا مرکز تھے، خدا نے انہیں اپنے پاس لے کر ہمیں اس جانب متوجہ کروایا ہے کہ امید کا حقیقی مرکز خدا کی ذات ہے، امام خمینیؒ نے شہید رجائی کی شہادت کے بعد کہا تھا کہ رجائی چلے گئے، رجائی کا خدا زندہ ہے۔
ان کا کہنا تھا کہ رہبر کی شہادت پر ہمیں دشمن کو پیغام یہ دینا ہے کہ ہم خدا کے سوا کسی کو سپریم تسلیم نہیں کرِیں گے، حسینؑ والے ہمیشہ یزید والے کی بیعت کا انکار کرتے ہیں، دشمن اس نقطہ سے غافل تھا کہ حق والے کے مرنے سے نظریہ ایک بدن سے نکل کر سب لوگوں کے بدن میں داخل ہوجاتا ہے، رہبر نے نصف صدی تک اسلام کی خدمات کی، رہبر نے جس پرچم کو بلند کیا اب ہمیں اسے بلند کئے رکھنا ہے، آج انقلاب اسلامی بہت مستحکم ہوچکا ہے۔
The post رہبر معظم کی طبیعی وفات سے زیادہ شہادت پراثر قرار appeared first on شیعہ نیوز پاکستان.
