شیعہ نیوز: خط میں کہا گیا کہ بالفور اعلامیے کے سبب اسرائیل کا قیام ہوا تھا، نکبہ یعنی 1948 کی عرب اسرائیل جنگ میں اہل فلسطین کی نسل کشی کی گئی، نکبہ کے دوران 7 لاکھ فلسطینیوں کو بے دخل کرنے کے ساتھ قتل عام کیا گیا تھا۔
رپورٹ کے مطابق برطانوی وزیراعظم کیئر اسٹارمر سے بالفور اعلامیے پر معافی کا مطالبہ سامنے آیا ہے۔
میڈیا رپورٹس کے مطابق درجنوں اراکین پارلیمنٹ اور لارڈز نے وزیراعظم کیئر اسٹارمر کو خط لکھا ہے، جس میں 1916ء کے بالفور اعلامیے پر معافی کا مطالبہ کیا ہے۔
خط میں کہا گیا کہ بالفور اعلامیے کے سبب اسرائیل کا قیام ہوا تھا، نکبہ یعنی 1948 کی عرب اسرائیل جنگ میں اہل فلسطین کی نسل کشی کی گئی۔
یہ بھی پڑھیں : مشرق وسطیٰ کشیدگی، برطانوی ایئرلائن کی پروازیں منسوخ
خط میں بتایا گیا کہ نکبہ کے دوران 7 لاکھ فلسطینیوں کو بے دخل کرنے کے ساتھ قتل عام کیا گیا تھا۔
خط میں 1917ء تا 1948ء فلسطینیوں پر ہوئی تاریخی زیادتیوں کی مذمت کی گئی ہے اور کہا گیا کہ فلسطین پر تسلط کے دوران بین الاقوامی قوانین کی خلاف ورزی کے نتائج آج سامنے آرہے ہیں۔
خط میں کہا گیا کہ برطانوی حکومتیں اس ریکارڈ کو تسلیم کرنے اور معافی مانگنے سے انکار کرتی آئی ہیں۔
خط پر دستخط کرنے والے 45 اراکین میں لب ڈیم کی لیلیٰ موران، لیبر کی نادیہ وٹوک اور گرین کی کارلاڈی نیئر بھی شامل ہیں۔
اراکین پارلیمنٹ کا اقدام گزشتہ برس فلسطینی ٹائیکون المصری کی برٹش اوز فلسطین مہم کے بعد سامنے آیا ہے، مہم میں برطانیہ سے معافی مانگنے اور ہرجانہ ادا کرنے کا مطالبہ بھی کیا گیا ۔
مہم کے قانونی مشیر وکٹرکٹان نے کہا کہ معافی کی حیثیت علامتی ہوگی، مہم کا مقصد معاوضہ کا حصول نہیں۔
The post برطانوی وزیراعظم سے بالفور اعلامیے پر معافی کا مطالبہ appeared first on شیعہ نیوز پاکستان.
