شیعہ نیوز: شہر قائد میں واقع ایرانی قونصل خانے میں رہبع معظم انقلاب آیت اللہ العظمیٰ سید علی حسینی خامنہ ایؒ کی شجاعانہ شہادت کے سلسلے میں تعزیتی ریفرنس گزشتہ ایک ہفتے سے جاری ہے، جس میں گورنر سندھ کامران خان ٹیسوری، وزیراعلیٰ سندھ سید مراد علی شاہ، وزیر بلدیات سندھ سید ناصر حسین شاہ، صوبائی وزیر مذہبی امور اور ثقافت، ترجمان سندھ حکومت سیدہ تحسین عابدی، سینیٹر میاں رضا ربانی، سابق وزیراعلیٰ سندھ سید قائم علی شاہ کے علاوہ چین، ملائیشا کے قونصل جنرل اور سوڈان کے اعزازی قونصل کے ساتھ ساتھ امیر جماعت اسلامی کراچی منعم ظفر خان، مجلس وحدت مسلمین اور شیعہ علما کونسل پاکستان کے سرکردہ رہنما، جعفریہ الائنس کے سربراہ علامہ سید شہنشاہ حسین نقوی اور مختلف سماجی، تعلیمی، کاروباری اور میڈیا سے وابستہ افراد کی بڑی تعداد نے شرکت کی۔
آنے والے مہمانوں نے کراچی میں تعینات ایرانی قونصل جنرل اکبر عیسیٰ زادہ سے ملاقات کے دوران آیت اللہ سید علی خامنہ ای شہید کی شجاعانہ شہادت کے حوالے سے تعزیت پیش کی اور گہرے رنج و غم کا اظہار کرتے ہوئے ایران کے خلاف امریکی و اسرائیلی جارحیت کی شدید الفاظ میں مذمت کی۔ ایرانی قونصل جنرل اکبر عیسی زادہ نے تمام مہمانوں کی تہہ دل سے شکریہ ادا کیا اور کہا کہ ہم پوری ملت پاکستان اور حکومت پاکستان کے ممنون و مشکور ہیں کہ آپ سب نے ہمارے ساتھ اظہار یکجہتی کیا اور ہمارے خلاف امریکی و اسرائیلی غیر قانونی جارحیت کی مذمت کی۔
The post ایرانی قونصلیٹ کراچی میں تعزیتی ملاقاتیں جاری appeared first on شیعہ نیوز پاکستان.
