شیعہ نیوز: عراقی مقاومت کے مطابق شواہد سے متحدہ عرب امارات سعودی عرب کی تیل تنصیبات پر حملے میں ملوث ہے جس کا مقصد ایران پر الزام لگا کر دونوں ملکوں کو لڑانا ہے۔
رپورٹ کے مطابق عراقی مزاحمتی تنظیموں کی رابطہ کونسل نے کہا ہے کہ سعودی عرب کی تیل تنصیبات پر حملے میں متحدہ عرب امارات کے ملوث ہونے کے شواہد ملے ہیں۔
تفصیلات کے مطابق رابطہ کونسل نے ایک بیان جاری کرتے ہوئے کہا کہ دستیاب حقائق اور شواہد سے ظاہر ہوتا ہے کہ سعودی عرب کی تیل تنصیبات پر بمباری میں امارات کا ہاتھ ہے۔
یہ بھی پڑھیں : حزب اللہ کے حالیہ حملے کسی بڑے واقعے کا پیش خیمہ ہیں، اسرائیل
بیان میں مزید کہا گیا کہ یہ نفرت انگیز اقدام اماراتی حکمرانوں کا اصل چہرہ بے نقاب کرتا ہے اور یہ ظاہر کرتا ہے کہ وہ صہیونی۔امریکی گٹھ جوڑ کے سامنے مکمل طور پر سر تسلیم خم کیے ہوئے ہیں۔
مزاحمتی کونسل کے مطابق امارات اس کارروائی کے ذریعے عالمی رائے عامہ کو ان حریت پسند قوتوں کے خلاف بھڑکانے کی کوشش کررہا ہے جو دشمن کی جارحانہ اور ظالمانہ پالیسیوں کے سامنے ہتھیار ڈالنے سے انکار کرتی ہیں۔
The post سعودی تیل تنصیبات پر حملے میں امارات ملوث ہے، عراقی مقاومت appeared first on شیعہ نیوز پاکستان.
