شیعہ نیوز: القدس فورس کے کمانڈر اسماعیل قاآنی کا پیغام
بسم اللہ الرحمن الرحیم
مزاحمتی محاذ کے کمانڈروں اور رہنماوں اور انقلاب اسلامی کے بغیر سرحدوں کے مجاہدوں
سلام علیکم،
عید سعید فطر، جو عید بندگی و عبودیت اور ایک ماہ کی ضیافت الٰہی میں حاضر رہنے کے بعد مقبول عید ہے، آپ سب کو مبارک ہو۔
آپ عزیزان کی جانب سے ظالم امریکہ اور بچوں کے قاتل صہیونی حکومت کے خلاف جو سنجیدہ، مجاہدانہ اور مسلسل مخلصانہ کوششیں جاری ہیں، وہ ہر شخص کی داد اور تحسین کو بڑھا رہی ہیں اور دنیا بھر کے مومنین و آزادی خواهان کے لیے باعثِ مسرت اور دشمنوں کے لیے باعثِ خشم، حیرت اور خوف بنی ہوئی ہیں۔
آج یہ بات سب پر عیاں ہے کہ مزاحمتی محاذ کے پاس بڑی قابل قدر صلاحیتیں ہیں جو آزادانہ طور پر اور اپنی حکیمانہ تدبیر و فیصلہ سے ظالم امریکہ اور بچوں کے قاتل صہیونی حکومت کے خلاف جنگ اور اسلامی جمہوریہ ایران کے دفاع میں کود چکے ہیں۔ انہوں نے اب تک بہت مؤثر کارروائیاں کی ہیں اور مستقبل میں بھی حیرت انگیز کارنامے دکھائیں گے۔
یہ بھی پڑھیں : اسپین میں ایران کے خلاف جنگ کے خلاف ریلی اور مخالفت
میدانی وحدت، جو آپ عزیزان کی کوششوں سے تشکیل پائی ہے، امت اسلامی کے لیے نقطۂ قوت اور عالمی استکبار و بین الاقوامی صہیونیت کے لیے ڈراؤنا خواب ہے۔ عنقریب امت اسلامی آپ ہی کے توانا بازوؤں سے صہیونی-امریکی فتنے سے نجات پا جائے گی۔
میں اس عظیم اقتدار، ارادے، صلاحیتوں اور امت اسلامی کے غیرت مند، مجاہد فرزندوں کے وجود پر سربسجود ہوں اور خدا کا شکر گزار ہوں۔
میں ان امت اسلامی کے مجاہدوں اور مبارزوں کے ہاتھ چومتا ہوں، آپ سب کا شکریہ ادا کرتا ہوں اور عرض کرتا ہوں کہ اگرچہ آج مزاحمتی محاذ کے امام الشہداء ہمارے درمیان نہیں ہیں، لیکن انقلاب اسلامی کی سوچ اور خمینی کبیر و خامنہ ای شہید کا راستہ، مجاہد شخصیت حضرت آیت اللہ سید مجتبی خامنہ ای کی قیادت میں اسی طاقت و اقتدار کے ساتھ جاری رہے گی۔
آپ یقین رکھیں کہ حق کا محاذ روز بروز توانا تر اور مقتدر تر ہوتا جا رہا ہے۔ اس محاذ کے کمانڈروں اور رہنماؤں کی شہادت نئے محصول کو جنم دے رہی ہے اور ان کی رگوں میں نیا خون دوڑا رہی ہے۔ شہداء کے خون کی برکت سے یہ محاذ پہلے سے زیادہ مضبوط و طاقتور ہو کر اسلام اور بشریت کے دشمنوں سے جنگ جاری رکھے ہوئے ہے اور عنقریب ہم ان کی ذلت آمیز شکست کا مظاہرہ کریں گے۔
آپ کا بھائی،
اسماعیل قاآنی
The post عید سعید فطر پر القدس فورس کے کمانڈر اسماعیل قاآنی کا پیغام appeared first on شیعہ نیوز پاکستان.
