شیعہ نیوز: مڈریڈ، اسپین سے رپورٹ کے مطابق ہسپانوی دارالحکومت کی اہم شاہراہوں پر ہونے والے ایک مظاہرے میں، جس کا اہتمام مڈریڈ انٹرنیشنل فورم نے کیا تھا، شہریوں نے ایران کے خلاف جنگ کے خلاف بھرپور آواز اٹھائی۔
مظاہرین نے کثیر تعداد میں بینرز اٹھا رکھے تھے جن پر نمایاں طور پر جنگ نہیں کے نعرے درج تھے۔
یہ بھی پڑھیں : ایران کے میزائل حملے اسرائیلی جارحیت کا فطری جواب ہیں، ابوعبیدہ
اخبار ال دیاریو نے لکھا ہے کہ، شرکاء نے ایران میں جنگ اور امریکی صدر ڈونلڈ ٹرمپ کی ایران میں فوجی مداخلت کے خلاف نعرے بازی کی، اور ساتھ ہی فاشزم کے خلاف بھی شدید احتجاج کیا۔
یورپی پارلیمنٹ کی رکن ایرنہ مونٹیرو، جو اسپین کی پوڈیموس پارٹی سے تعلق رکھتی ہیں، نے بھی اس احتجاج میں شرکت کی۔
انہوں نے ہسپانوی وزیر اعظم پیڈرو سانچز کی حکومت سے مطالبہ کیا کہ وہ نیٹو سے علیحدہ ہو جائے اور روٹا (کڈیز) و مورون ڈی لا فرونتیرا (سیویل) میں قائم امریکی فوجی اڈوں کو خالی کروائے۔
یہ مظاہرہ ایران کے خلاف ممکنہ فوجی کارروائیوں اور علاقائی تناؤ کے حوالے سے اسپین میں پائی جانے والی تشویش کو ظاہر کرتا ہے۔ مظاہرین نے پرامن بقائے باہمی اور غیر ملکی مداخلت کی مخالفت پر زور دیا۔
The post اسپین میں ایران کے خلاف جنگ کے خلاف ریلی اور مخالفت appeared first on شیعہ نیوز پاکستان.
