شیعہ نیوز: امریکی سینیٹر الیزابت وارن نے کہا ہے کہ ایران کے خلاف ڈونلڈ ٹرمپ کی جنگ کا اصل بوجھ امریکی عوام اٹھا رہے ہیں۔
انہوں نے سوشل میڈیا پر بیان میں کہا کہ اس جنگ کے باعث نہ صرف پیٹرول مہنگا ہوا ہے بلکہ گھروں کی تعمیر نو کے اخراجات میں بھی اضافہ متوقع ہے۔
ان کے مطابق ڈونلڈ ٹرمپ کے دور میں بلوں کی لاگت 10 فیصد سے زیادہ بڑھ چکی ہے اور عام امریکی خاندان توانائی پر زیادہ خرچ کرنے پر مجبور ہیں، جبکہ اس صورت حال کے خاتمے کے آثار نظر نہیں آ رہے۔
یہ بھی پڑھیں : ایران جنگ کے باوجود امریکہ کی یوکرین کو ہتھیاروں کی فراہمی
وارن نے اس سے قبل بھی ڈونلڈ ٹرمپ اور بنیامین نیتن یاہو پر جنگ کو ہوا دینے اور مشرق وسطیٰ میں انسانی بحران پیدا کرنے کا الزام لگایا تھا، اور کانگریس سے مطالبہ کیا تھا کہ اس جنگ کے لیے فنڈنگ نہ دی جائے۔
رپورٹس کے مطابق اس جنگ کے اثرات عالمی معیشت پر بھی پڑ رہے ہیں، جن میں اسٹاک مارکیٹ میں گراوٹ، تیل کی قیمتوں میں اضافہ اور مالیاتی منڈیوں میں بے یقینی شامل ہے۔
ادھر عالمی توانائی ماہرین نے بھی خبردار کیا ہے کہ اگر یہ جنگ جاری رہی تو اس کے طویل مدتی اثرات عالمی معیشت پر مزید گہرے ہو سکتے ہیں، جبکہ فرانس کے وزیر معیشت رولان لسکور نے اسے ایک نئے آئل شاک سے تعبیر کیا ہے۔
The post ایران کے خلاف ڈونلڈ ٹرمپ کی جنگ کا اصل بوجھ امریکی عوام اٹھا رہے ہیں، امریکی سینیٹر appeared first on شیعہ نیوز پاکستان.
