شیعہ نیوز: امریکہ اور ایران کے درمیان جاری کشیدگی کے دوران ایک ڈرامائی موڑ آ گیا ہے، جہاں امریکی صدر ڈونلڈ ٹرمپ نے ایران کی توانائی تنصیبات پر حملوں میں 10 دن کی مزید مہلت دے دی ہے، جس سے جنگ کے مستقبل پر بڑے سوالات اٹھ کھڑے ہوئے ہیں۔
امریکی میڈیا کے مطابق صدر ٹرمپ نے سوشل میڈیا پلیٹ فارم ٹروتھ سوشل پر اعلان کرتے ہوئے کہا کہ یہ فیصلہ ایران کی درخواست پر کیا گیا ہے اور دونوں ممالک کے درمیان انتہائی اہم اور مثبت مذاکرات جاری ہیں۔
یہ بھی پڑھیں : آبنائے ہرمز پر عدم استحکام امریکی و اسرائیلی قانون شکنی کا نتیجہ ہے، عباس عراقچی
دوسری جانب امریکی وزیر خارجہ مارکو روبیو کا کہنا ہے کہ ان کے خیال میں روس کی تمام تر توجہ ایران کی مدد کے بجائے یوکرین کی جنگ پر مرکوز ہے۔
مارکو روبیو نے اس بارے میں مزید تفصیلات بتانے سے گریز کیا۔
امریکی وزیرخارجہ نے کہا کہ امریکہ کے اتحادیوں کو آبنائے ہرمز کی حفاظت کے لیے آگے آنا ہوگا۔
قبل ازیں برطانوی اخبار نے دعویٰ کیا تھا کہ مغربی انٹیلیجنس کے مطابق روس ایران کو ڈرونز، دوائیں اور خوراک بھیج رہا ہے۔
برطانوی اخبار کی رپورٹ میں بتایا گیا کہ روس کی جانب سے ایران کو ڈرونز کی فراہمی کا مرحلہ مارچ میں شروع ہوا، روس سیٹلائٹ امیجنگ اور انٹیلی جنس مدد بھی فراہم کر رہا ہے۔
The post ٹرمپ کا بڑا یو ٹرن، ایران کی توانائی تنصیبات پر حملوں میں مزید 10 دن کی مہلت دے دی appeared first on شیعہ نیوز پاکستان.
