شیعہ نیوز: ایرانی صدر مسعود پزشکیان کا کہنا ہے کہ بارہا کہہ چکے ہیں کہ ایران حملوں میں پہل نہیں کرتا۔
ایک بیان میں ایرانی صدر مسعود پزشکیان نے کہا ہے کہ اگر ایران کے بنیادی ڈھانچے یا اقتصادی مراکز کو نشانہ بنایا گیا تو بھرپور جواب دیا جائے گا۔
مسعود پزشکیان کا کہنا ہے کہ خطے کے ممالک ترقی اور سلامتی چاہتے ہیں تو اپنی سر زمین ایران کے دشمنوں کے لیے استعمال نہ ہونے دیں۔
یہ بھی پڑھیں : ایران کے بعد اگلا ہدف کیوبا ہے، امریکی صدر ٹرمپ
دوسری جانب ایرانی وزارتِ خارجہ کا کہنا ہے کہ لبنان میں ایرانی سفارت کاروں کی رہائش گاہوں پر حملہ گھناؤنا جرم ہے۔
ایرانی میڈیا کے مطابق ایرانی وزارتِ خارجہ نے لبنان میں ایرانی سفارت کاروں کی رہائش گاہ پر حملے کی شدید مذمت کی ہے۔
تہران سے جاری بیان میں ایرانی وزارتِ خارجہ کا کہنا ہے کہ حملہ اسرائیل کی مسلسل جارحانہ کارروائیوں کا حصہ ہے۔
بیان میں کہا گیا ہے کہ اسرائیلی حملہ بین الاقوامی قوانین، سفارتی استثنیٰ اور میزبان ملک کی خود مختاری کی کھلی خلاف ورزی ہے۔
ایرانی وزارتِ خارجہ نے یہ بھی کہا ہے کہ ذمے داروں کو انصاف کے کٹہرے میں لانے کے لیے تمام قانونی و بین الاقوامی ذرائع استعمال کیے جائیں گے۔
The post بارہا کہہ چکے ہیں ایران حملوں میں پہل نہیں کرتا، صدر مسعود پزشکیان appeared first on شیعہ نیوز پاکستان.
