شیعہ نیوز: پاکستان اور خطے کے امن کیخلاف بھارت اور افغانستان کی منظم سازش بے نقاب ہوگئی، پاکستان کی عالمی اہمیت سے خائف بھارت دنیا کے امن کا دشمن بن گیا۔
افغانستان کے ساتھ مل کر بھارت نے اسٹریٹجک ڈس انفارمیشن حملہ کیا، مشرق وسطیٰ میں امن کی پاکستانی کوششوں کو سبوتاژ کرنے کا خطرناک منصوبہ بنایا گیا۔
رپورٹ کے مطابق ایران کے نام پر پاکستان کیخلاف منظم پروپیگنڈا آپریشن لانچ کیا گیا، جعلی ایرانی شناخت کے ذریعے پاکستان میں نفرت پھیلانے کا بیانیہ گھڑنے کا انکشاف ہوا ہے۔
آئی این این ایران نیوز اور ایران ٹی وی جیسے گھوسٹ ایکس اکاؤنٹس سے ڈس انفارمیشن پھیلائی گئی، پاکستان پر امریکا کیلئے تیل ترسیل کا جھوٹا الزام لگا کر نفرت انگیز پروپیگنڈے کو بنیاد فراہم کی گئی، ایرانی شناخت رکھنے والے درجنوں اکاؤنٹس بھارت اور افغانستان سے آپریٹ کیے جارہے ہیں۔
یہ بھی پڑھیں : ایران امریکا مذاکرات ؛ پاکستان کا خاموش مگر جاندار سفارتی راستہ ، دونوں جانب سے اعتماد کا اظہار
رپورٹ کے مطابق پاکستان کیخلاف مصنوعی ایرانی ردعمل افغانستان سے آپریٹ اکاؤنٹس کے ذریعے پھیلایا گیا، افغان نیٹ ورک کو بطور پرولفریٹررز استعمال کرنے کا ثبوت بھی سامنے آگیا۔
بھارتی ڈس انفارمیشن حملے کا مقصد امن کوششوں کے کلیدی کردار پاکستان کو متنازع بنانا تھا، بیانیہ سازی، کنٹرول اور اسٹریٹجک ڈائریکشن بھارتی اکاؤنٹس کے ذریعے کی گئی۔
سازش میں ٹائمز آف ایران نیوز مرکزی پروپیگنڈا حب قرار دیا گیا ہے، بھارت سے آپریٹ ہونے والا پلیٹ فارم عالمی سطح پر جھوٹ پھیلاتا رہا، ڈس انفارمیشن مہم کے پورے آپریشن کے ماسٹر مائنڈ اکاؤنٹس بھارتی نکلے۔
The post بھارت باز نہیں آنے کا ؛ پاکستان کی سفارتی کامیابیوں پر بھارت حیران و پریشان ، ایرانیوں کے نام سے جھوٹا پروپیگنڈا بے نقاب appeared first on شیعہ نیوز پاکستان.
